બોલિવૂડ એક્ટર નવાઝુદ્દીન સિદ્દીકીએ મંગળવારે 75માં કાન્સ ફિલ્મ ફેસ્ટિવલના રેડ કાર્પેટ પર વોક કર્યું હતું. ફેસ્ટિવલનો ભાગ બનવાની સાથે, નવાઝુદ્દીને એક અમેરિકન ઇન્ડી પ્રોજેક્ટ મળ્યો છે જેમાં તે મુખ્ય ભૂમિકા ભજવતો જોવા મળશે. તે રોબર્ટો જીરાલ્ટ દ્વારા નિર્દેશિત ક્રિસમસ આધારિત ફિલ્મ ‘લક્ષ્મણ લોપેઝ’માં જોવા મળશે. આ ફિલ્મનું શૂટિંગ આ વર્ષના અંતમાં યુએસમાં શરૂ થવાની પણ શક્યતા છે.
જ્યારે નવાઝુદ્દીન સિદ્દીકીને આ ફિલ્મમાં કામ કરવા વિશે પૂછવામાં આવ્યું ત્યારે તેણે કહ્યું, “ક્રિસમસ ફિલ્મમાં કામ કરવું એ શરૂઆતના દૃષ્ટિકોણથી અલગ અનુભવ હશે. રોબર્ટો જીરાલ્ટે કેમેરા પર તેની શક્તિ અને આદેશ દર્શાવ્યો છે અને તે જે રીતે અભિનેતાની વિવિધ બાજુઓને ઉજાગર કરે છે તે ખૂબ જ રસપ્રદ છે. તે એક આવકારદાયક પડકાર છે જેની હું હંમેશા ઈચ્છા રાખું છું. ખાસ કરીને ફિલ્મનું નામ ‘લક્ષ્મણ લોપેઝ’ મને ઉત્સુક બનાવી રહ્યું છે
રોબર્ટો જીરોલ્ટે ફિલ્મમાં નવાઝુદ્દીન સિદ્દીકીને કાસ્ટ કરવા વિશે કહ્યું કે જ્યારે મેં સ્ક્રિપ્ટ વાંચી ત્યારે મેં લક્ષ્મણને શોધવાનું શરૂ કર્યું. મારું મન મને સીધો નવાઝુદ્દીન પાસે લઈ ગયો. મેં તેમના કેટલાક કામ જોયા છે અને હું ખાતરીપૂર્વક જાણું છું કે આ પાત્રો તેમના વણશોધાયેલા પાસાઓને બહાર લાવશે.
નવાઝુદ્દીન કાન્સ ફિલ્મ ફેસ્ટિવલના રેડ કાર્પેટ પર માહિતી અને પ્રસારણ મંત્રી અનુરાગ ઠાકુરની આગેવાની હેઠળના પ્રતિનિધિમંડળનો ભાગ હતો. આ દરમિયાન તે બ્લેક કલરના ટક્સીડોમાં જોવા મળ્યો હતો. રેડ કાર્પેટ પર તેમની સાથે આર માધવન, પ્રસૂન જોશા, શેખર કપૂર જેવી હસ્તીઓ પણ હાજર હતી.