એમએક્સ પ્લેયરની વેબ સિરીઝ એક બદનામ-આશ્રમ 3 એ ઇતિહાસ રચ્યો છે. તેને માત્ર 32 કલાકમાં 100 મિલિયન વખત જોવામાં આવ્યું છે. પ્રથમ બે સિઝનને પ્રેક્ષકો દ્વારા ખૂબ વખાણવામાં આવી હતી, જેના કારણે તે ભારતીય OTT પર સૌથી વધુ જોવાયેલી શ્રેણી બની હતી. બોલિવૂડ એક્ટર બોબી દેઓલ લાંબા સમયથી સ્ક્રીન પરથી ગાયબ હતો અને OTTની દુનિયાએ બોબી દેઓલની કારકિર્દીને પાંખો આપી. આશ્રમે તેમની કારકિર્દીને નવી ઊંચાઈ આપી. બાબા નિરાલા કાશીપુર વાલેના પાત્રમાં બોબી દેઓલે પોતાના અભિનયનું એવું ઉદાહરણ રજૂ કર્યું કે તેણે ચાહકોના મનમાં ઘર કરી લીધું.
આ વેબસીરીઝના દરેક પાત્રને લોકપ્રિયતા મળી રહી છે. આશ્રમ-3ના સ્ટાર્સ બોબી દેઓલ, અદિતિ પોહનકર, ચંદન રોય સાન્યાલ, દર્શન કુમાર, અનુપ્રિયા ગોએન્કા, એશા ગુપ્તા, સચિન શ્રોફ, અધ્યયન સુમન, ત્રિધા ચૌધરી, વિક્રમ કોચર, અનુરિતા કે ઝા, રુશદ રાણા, તન્મય રંજન, પ્રીતિ સૂદ, રાજીવ સિધ્ધાર. અને જયા સીલ ઘોષ મુખ્ય ભૂમિકામાં છે. બોબી દેઓલ પર કેન્દ્રીત આ વેબસિરિઝ મોટા બજેટમાં બનાવવામાં આવી છે, જ્યારે તમામ સ્ટાર્સે સિરીઝ માટે ભારે ફી વસૂલ કરી છે. ચાલો જાણીએ કે આ સિરીઝ માટે કયા સ્ટારે કેટલી ફી લીધી છે.
બોબી દેઓલ
બોબીએ પ્રકાશ ઝા દ્વારા નિર્દેશિત વેબસિરીઝ આશ્રમમાં બાબા નિરાલાનું પાત્ર ભજવવા માટે 1 થી 4 કરોડ રૂપિયા ચાર્જ કર્યા છે. મીડિયા રિપોર્ટ્સમાં આ દાવો કરવામાં આવ્યો છે.
ચંદન રાય સાન્યાલ
આ શ્રેણીમાં બોબી દેઓલનો જેટલો પ્રભાવશાળી રોલ છે, તેટલો પ્રભાવ ભોપા સ્વામીનો છે. આ રોલ માટે ચંદન રાય સાન્યાલે 15 થી 25 લાખ રૂપિયા ફી લીધા છે.
અદિતિ પોહનકર
બોબી દેઓલ સ્ટારર અદિતિ પોહનકર આ સિરિયલમાં કુસ્તીબાજ પમ્મીના રોલમાં છે. આ વેબસીરીઝને કારણે લોકપ્રિયતા મેળવનાર અદિતિ પોહનકરે 12 થી 20 લાખ રૂપિયા સુધીની ફી વસૂલ કરી છે.
એશા ગુપ્તા
એમએક્સ પ્લેયરની આ સીરીઝની ત્રીજી સીઝનમાં એશા ગુપ્તા પણ સોનિયાના રોલમાં જોવા મળી છે. બાબા નિરાલા સોનિયાના ખૂની કૃત્યોથી પાગલ થઈ જાય છે. એશા ગુપ્તાએ આ રોલ માટે 25 લાખથી 2 કરોડ રૂપિયાની ફી લીધી છે.
અન્ય કલાકારોની ફી
ત્રિધા ચૌધરીએ આશ્રમ 3 માં બબીતા માતાના રોલ માટે 4 થી 10 લાખ રૂપિયા ચાર્જ કર્યા છે જ્યારે દર્શન કુમારે ઈન્સ્પેક્ટર ઉજાગર સિંહના રોલ માટે 15 થી 25 લાખ રૂપિયા ચાર્જ કર્યા છે.