ટીમ ઈન્ડિયાનો ફાસ્ટ બોલર દીપક ચહર ટૂંક સમયમાં લગ્નના બંધનમાં બંધાવા જઈ રહ્યો છે. તેના લગ્નના આમંત્રણ પત્રની તસવીરો સામે આવી છે. તે 1 જૂને તેની ગર્લફ્રેન્ડ જયા ભારદ્વાજ સાથે સાત ફેરા લેશે. તેણે ગયા વર્ષે દુબઈમાં યોજાયેલી IPL મેચ દરમિયાન જયાને પ્રપોઝ કર્યું હતું.
ઘૂંટણિયે બેસીને પ્રસ્તાવ મૂક્યો હતો
ગયા વર્ષે 7 ઓક્ટોબરે ચેન્નાઈ સુપર કિંગ્સ પંજાબ કિંગ્સ સાથે હરીફાઈ કરી હતી. આ મેચમાં ચેન્નાઈને એકતરફી હાર મળી હતી. મેચ બાદ ચેન્નાઈનો બોલર દીપક ચહર સ્ટેડિયમમાં બેઠેલી તેની ગર્લફ્રેન્ડ જયા ભારદ્વાજ પાસે ગયો અને તેમને લગ્ન માટે મનાવી લીધા. ચાહરે જયાને પોતાના ઘૂંટણ પર બેસીને પ્રપોઝ કર્યું હતું. આ દરમિયાન ટીવી કેમેરાનું ફોકસ બંને પર હતું. સ્ટેડિયમમાં હાજર દરેક વ્યક્તિ અને ગ્રાઉન્ડથી પેવેલિયન પરત ફરતા તમામ ખેલાડીઓની નજર પણ આ જોડી પર ટકેલી હતી. ચેન્નાઈ સુપર કિંગ્સના કેપ્ટન મહેન્દ્ર સિંહ ધોની અને પંજાબના કેપ્ટન કેએલ રાહુલે તાળીઓ પાડીને દીપકને અભિનંદન પાઠવ્યા હતા. દીપકના આ પ્રસ્તાવની તસવીરો અને વીડિયો ઘણા દિવસોથી હેડલાઇન્સ બની રહ્યા હતા.
કોણ છે જયા ભારદ્વાજ?
દીપકની ગર્લફ્રેન્ડ જયા દિલ્હીના બારાખંબાની રહેવાસી છે. તે અભિનેતા સિદ્ધાર્થ ભારદ્વાજની બહેન છે, જે બિગ બોસ-5 (વર્ષ-2011)નો ભાગ હતો. સિદ્ધાર્થ MTVના પ્રખ્યાત શો સ્પ્લિટ્સ વિલા સહિત કેટલાક અન્ય શોમાં પણ જોવા મળ્યો છે. જયાએ MBA કર્યું છે અને તે એક ટેલિકોમ કંપનીમાં ડિજિટલ પ્લેટફોર્મ હેડ છે. દીપકની બહેન માલતી ચાહરે જયાને તેના ભાઈ સાથે પરિચય કરાવ્યો. વાસ્તવમાં માલતીએ બોલિવૂડના ઘણા પ્રોજેક્ટ્સમાં પણ કામ કર્યું છે. તે સિદ્ધાર્થ અને જયાને પહેલેથી જ ઓળખતી હતી.