દીકરીના જન્મ પર કોઈપણ પરિવારની આટલી ખુશી તમે ક્યારેય નહીં જોઈ હોય, હેલિકોપ્ટરનો વીડિયો જોઈ અભિભૂત થઈ જશો

દીકરા-દીકરીમાં ભેદ રાખનારાઓએ આ સમાચાર જરૂર વાંચવા જોઈએ. કદાચ તેની આંખો પરનો પડદો હંમેશ માટે હટી જશે. અમે આ એટલા માટે કહી રહ્યા છીએ કારણ કે એક પરિવારે દીકરીના જન્મની ઉજવણી એવી રીતે કરી છે કે દેશભરમાં તેની ચર્ચા થઈ રહી છે. આવો તમને જણાવીએ આ અનોખી અને સાચી ઘટના વિશે જેણે સમાજની આંખો ખોલી નાખી.

image source

મહારાષ્ટ્રમાં એક પરિવારમાં જ્યારે દીકરીનો જન્મ થતા જ તેના રડવાનો અવાજ બહાર આવ્યો, ત્યારે પરિવારના સભ્યોની ખુશીનું કોઈ ઠેકાણું ન રહ્યું. પરિવારે જન્મેલી બાળકીનું સ્વાગત અનોખી રીતે કર્યું હતું. પરિવારે દીકરીને ગામમાં લઈ જવા માટે હેલિકોપ્ટરની વ્યવસ્થા કરી હતી.

આ સમગ્ર ઘટનાનો એક વીડિયો પણ સામે આવ્યો છે. લોકો આ વીડિયોને સોશિયલ મીડિયા પર ઝડપથી વાયરલ કરી રહ્યા છે. આ ઘટના પુણેના શેલગાંવની છે. દીકરીનો જન્મ થતાં જ પરિવારમાં ખુશીની લહેર છવાઈ ગઈ હતી. ખુશીના કારણે પરિવારે હેલિકોપ્ટર ભાડેથી બુક કરાવ્યું હતું. પરિવાર હેલિકોપ્ટર દ્વારા બાળકીને ગામમાં લાવ્યા.

જ્યારે બાળકી હેલિકોપ્ટર દ્વારા તેના ગામ પહોંચી તો ત્યાંનો નજારો જોવા જેવો હતો. પરિવારે પહેલેથી જ નક્કી કરી લીધું હતું કે દીકરી થવા પર તેનું ભવ્ય સ્વાગત કરવામાં આવશે. બાળકીના પિતા વિશાલ જારેકરે જણાવ્યું કે અમારા પરિવારમાં કોઈ છોકરી નથી. તેથી દીકરીના જન્મને ખાસ બનાવવા માટે અમે એક લાખ રૂપિયાની હેલિકોપ્ટર રાઈડની વ્યવસ્થા કરી છે.