માધુરી દીક્ષિતનો જન્મ 15 મે 1967ના રોજ મુંબઈમાં થયો હતો. માધુરી તેના જમાનાની સફળ અભિનેત્રી રહી છે. તેની એક્ટિંગ, સુંદરતા, ડાન્સ અને એક્સપ્રેશનના ફેન્સ આજે પણ દિવાના છે. માધુરી જેટલી ફિલ્મોમાં તેના રોલ માટે ફેમસ છે તેટલી જ તેને ડાન્સ માટે પણ પસંદ કરવામાં આવે છે. આજની નવી અભિનેત્રીઓ પણ માધુરીને પોતાની રોલ મોડલ માને છે. માધુરી ભલે હવે ઓછી ફિલ્મોમાં જોવા મળે છે, પરંતુ માધુરી ઘણીવાર હેડલાઇન્સમાં રહે છે. માધુરીએ માત્ર ફિલ્મોમાં લીડ એક્ટ્રેસ તરીકે જ કામ કર્યું જ છે પણ સાથે ગ્રે શેડના રોલમાં પણ જોવા મળે છે. માધુરી ટોચની અભિનેત્રીઓમાંની એક રહી છે, જેને સામાન્ય દર્શકો તેમજ ઇન્ડસ્ટ્રીના લોકો સ્ક્રીન પર જોવા અને તેની સાથે કામ કરવાનું પસંદ કરે છે. બોલિવૂડમાં પોતાની ઓળખ બનાવી ચૂકેલી માધુરી દીક્ષિત કરોડોની સંપત્તિની માલિક છે. આ દિવસોમાં તે ટીવી રિયાલિટી શોમાં જોવા મળે છે, જેમાં તે પ્રતિ એપિસોડમાં ઘણી કમાણી કરે છે. માધુરી દીક્ષિતના જન્મદિવસના અવસર પર તેની કમાણી, નેટવર્થ અને લક્ઝરી લાઈફસ્ટાઈલ વિશે જાણો.
માધુરી દીક્ષિતની મનગમતી કાર
બોલિવૂડ અભિનેત્રી માધુરી દીક્ષિત પાસે લક્ઝરી કારનું જબરદસ્ત કલેક્શન છે. તેની પાસે સફેદ ઓડી, ટોયોટા ઈનોવા ક્રિસ્ટા, રોલ્સ રોયસ અને સ્કોડા રેપિડ છે.
માધુરી દીક્ષિતનું આલિશાન ઘર.
માધુરી દીક્ષિત મુંબઈની છે. મુંબઈના લોખંડવાલામાં તેમનો ખૂબ જ આલીશાન અને વૈભવી બંગલો છે. આ સિવાય માધુરી દીક્ષિત લગ્ન બાદ પતિ સાથે અમેરિકા શિફ્ટ થઈ ગઈ હતી. માધુરી પાસે દેશભરમાં ઘણી રિયલ એસ્ટેટ પ્રોપર્ટી પણ છે.
માધુરી દીક્ષિતની કમાણી
ફિલ્મ ઈન્ડસ્ટ્રીમાં એવી ઘણી ઓછી અભિનેત્રીઓ છે, જેમને એક્ટર્સ કરતા વધુ મહેનતાણું મળે છે. માધુરી તે અભિનેત્રીઓમાંની એક છે. અભિનેત્રી માધુરી દીક્ષિત એક સમયે સલમાન ખાન અને શાહરૂખ ખાન કરતાં પણ વધુ ફી લેતી હતી. આ તેની કારકિર્દીનો ટોચનો સમયગાળો હતો, જ્યારે માધુરીએ ફિલ્મ અંજામ માટે શાહરૂખ ખાન કરતાં બમણી ફી લીધી હતી.
માધુરી રિયાલિટી શોમાંથી કેટલી કમાણી કરે છે
માધુરી હવે ભલે ઓછી ફિલ્મોમાં જોવા મળે પરંતુ તે ટીવી પર ડાન્સ રિયાલિટી શોમાં જોવા મળે છે. માધુરી દીક્ષિત એક શો માટે લગભગ 24 થી 25 કરોડ રૂપિયા ચાર્જ કરે છે. આ સિવાય માધુરી ફિલ્મો માટે 4 થી 5 કરોડ રૂપિયા અને બ્રાન્ડ એન્ડોર્સમેન્ટ માટે 8 કરોડ રૂપિયા લે છે.
માધુરી દીક્ષિત નેટવર્થ
મીડિયા રિપોર્ટ્સ અનુસાર, માધુરી દીક્ષિતની નેટવર્થ $34 મિલિયન છે, એટલે કે માધુરી દીક્ષિત ભારતીય ચલણમાં લગભગ 250 કરોડની સંપત્તિની માલિક છે. ટીવી, ફિલ્મો અને બ્રાન્ડ એન્ડોર્સમેન્ટ સિવાય માધુરી અંગત રોકાણથી પણ કમાણી કરે છે.