પ્રેમ તો જુઓ પણ, ગર્લફ્રેન્ડે બોયફ્રેન્ડને 10 રૂપિયાની નોટ પર લખ્યું- 26 એપ્રિલે મારા લગ્ન છે, મને ભગાડી જાજે

થોડા વર્ષો પહેલા ‘સોનમ ગુપ્તા બેવફા હૈ’ લખેલી એક ભારતીય ચલણી નોટ સોશિયલ મીડિયા પર વાયરલ થઈ હતી, ત્યારબાદ લોકોએ તેની મજાક ઉડાવી હતી અને અન્ય ઘણા બધા મીમ્સ બનાવવામાં આવ્યા હતા. હવે આવી જ એક તસવીર સોશિયલ મીડિયા પર વાયરલ થઈ રહી છે, જેના પર કોઈએ 10 રૂપિયાની નોટ પર એક અજીબ વસ્તુ લખીને સોશિયલ મીડિયા પર શેર કરી છે. નોટની ઉપર કોઈએ પેન વડે લખ્યું, ‘વિશાલ, મારા લગ્ન 26મી એપ્રિલે છે. મને દૂર લઈ જાઓ, હું તમને પ્રેમ કરું છું તમારી કુસુમ.’

નોટને જોતા સમજી શકાય છે કે મેસેજ દ્વારા કુસુમ તેના બોયફ્રેન્ડ વિશાલને તેની સાથે ભાગી જવા માટે કહી રહી છે કારણ કે તે 26 એપ્રિલે બીજા કોઈ સાથે લગ્ન કરી રહી છે. મહિલાના તેના પ્રેમી માટેના મેસેજે ઇન્ટરનેટ પર હંગામો મચાવી દીધો હતો. ઘણા લોકોએ ટ્વિટર પર આશા વ્યક્ત કરી કે કુસુમ 26 એપ્રિલ પહેલા તેના વિશાલને મળી જશે. ફોટોના કેપ્શનમાં લખ્યું છે, ‘ટ્વિટર યુઝર્સ આપણી તાકાત બતાવો. કુસુમનો આ સંદેશ 26 એપ્રિલ પહેલા વિશાલ સુધી પહોંચાડવાનો છે. બે પ્રેમીઓ એક થવાના છે.

હવે આ તસવીર ટ્વિટર પર જોરદાર વાયરલ થઈ રહી છે અને દરેક તેને શેર કરી રહ્યા છે. એટલું જ નહીં આ પોસ્ટની મજાક ઉડાવવામાં આવી રહી છે. લોકો વિશાલ અને કુસુમ નામના લોકોને ટેગ કરી રહ્યા છે.

એક યુઝરે મજાક કરતા લખ્યું, ‘જ્યાર સુધી આ સમાચાર પહોંચશે ત્યાં સુધીમાં વિશાલ 2 બાળકોનો મામા બની જશે.’ જ્યારે બીજાએ લખ્યું, ‘તમે જેટલા પણ છો, દરેકને આ પોસ્ટ પર ટેગ કરવું જોઈએ. બંનેને મેળવવા જોઈએ.