થોડા સમય પહેલા ફિલ્મ ‘શર્મા જી નમકીન’નું ટ્રેલર રિલીઝ થયું હતું. દિવંગત અભિનેતા ઋષિ કપૂરની આ છેલ્લી ફિલ્મ છે. જ્યારે ઋષિ કપૂરનું અવસાન થયું, તે દિવસોમાં તેઓ આ ફિલ્મનું શૂટિંગ કરી રહ્યા હતા. આવી સ્થિતિમાં, તેમના ગયા પછી, આ ફિલ્મના ઘણા દ્રશ્યો સાચવવામાં આવ્યા હતા, જેનું શૂટિંગ બાકી હતું. ઋષિ કપૂર પછી પરેશ રાવલે આ ફિલ્મના બાકીના સીન્સનું શૂટિંગ પૂરું કર્યું, જેની ઝલક ટ્રેલરમાં જોવા મળે છે. જો કે, આ પહેલીવાર નથી કે બોલિવૂડ સ્ટારના મૃત્યુ બાદ તેની ફિલ્મો અન્ય સ્ટાર દ્વારા પૂરી કરવામાં આવી હોય. આ સ્ટોરીમાં અમે તમને એ જ સ્ટાર્સ વિશે જણાવીએ છીએ, જેમના મૃત્યુ પછી અન્ય સેલેબ્સે તેમની ફિલ્મો પૂરી કરી છે.
દિવ્યા ભારતી – શ્રીદેવી
વર્ષ 1993માં એક અકસ્માતમાં જીવ ગુમાવનાર અભિનેત્રી દિવ્યા ભારતી ફિલ્મ ‘લાડલા’ની મુખ્ય હિરોઈન હતી. આ ફિલ્મનું 80 ટકા શૂટિંગ તેની સાથે પૂર્ણ થયું હતું, પરંતુ ફિલ્મ પૂરી થાય તે પહેલાં જ તેનું મૃત્યુ થયું હતું. તેમના પછી, શ્રીદેવી આ ભૂમિકા માટે નિર્માતાઓની બીજી પસંદગી બની અને તેમની સાથે ફિલ્મનું શૂટિંગ ફરીથી કરવામાં આવ્યું.
દિવ્યા ભારતી – રંભા
દિવ્યા ભારતી પોતાના સમયમાં બોલિવૂડની સૌથી લોકપ્રિય અભિનેત્રી હતી. જ્યારે તેમનું નિધન થયું ત્યારે ઘણી ફિલ્મોનું શૂટિંગ અટકી ગયું હતું. તેમાં તેલુગુ ફિલ્મ ‘થોલી મુધુ’ પણ સામેલ હતી. દિવ્યા ભારતીના મૃત્યુ બાદ આ ફિલ્મમાં રંભાને રિપ્લેસ કરવામાં આવી હતી.
દિવ્યા ભારતી – રવિના ટંડન
અક્ષય કુમાર, સુનીલ શેટ્ટી, રવિના ટંડન, નસીરુદ્દીન શાહ જેવા મોટા સ્ટાર્સથી સજેલી ફિલ્મ ‘મોહરા’ને કોણ ભૂલી શકે. આ ફિલ્મમાં અક્ષય અને રવિના પર ફિલ્માવાયેલું ગીત ‘ટિપ ટીપ બરસા પાની’ આજે પણ ચાહકોમાં ખૂબ જ લોકપ્રિય છે. પરંતુ શું તમે જાણો છો કે રવિનાને આ ફિલ્મ માટે પાછળથી કાસ્ટ કરવામાં આવી હતી. તેમની પહેલા આ ફિલ્મની મુખ્ય હિરોઈન દિવ્યા ભારતી હતી. ફિલ્મનું પાંચ દિવસનું શૂટિંગ પૂરું કર્યા પછી જ દિવ્યાએ આ દુનિયાને અલવિદા કહી દીધું.
દિવ્યા ભારતી – જુહી ચાવલા
દિવ્યા ભારતીએ 1995માં આવેલી ફિલ્મ ‘ડર્ટી’નું 30 ટકા શૂટિંગ પૂર્ણ કર્યું હતું. પરંતુ તેમના મૃત્યુ બાદ આ ફિલ્મમાં જુહી ચાવલાને કાસ્ટ કરવામાં આવી હતી.
ગુરુ દત્ત- ધર્મેન્દ્ર
ગુરુ દત્તે 1964માં આ દુનિયાને અલવિદા કહી દીધું હતું. મૃત્યુ પહેલા તે 1966માં આવેલી ફિલ્મ ‘બહારે ફિર ભી આયેગી’નું શૂટિંગ કરી રહ્યો હતો. પરંતુ ગુરુ દત્તના આકસ્મિક નિધન બાદ તેમનો રોલ બોલિવૂડના ‘હી-મેન’ ધર્મેન્દ્રને આપવામાં આવ્યો હતો.
ઓમ પુરી – ઋષિ કપૂર
બોલિવૂડના ફેમસ એક્ટર આમ પુરી 2018માં આવેલી ફિલ્મ ‘મંટો’માં મહત્વની ભૂમિકા ભજવવાના હતા. પરંતુ શૂટિંગના દિવસોમાં તેનું મૃત્યુ થઈ ગયું, ત્યારબાદ આ ભૂમિકા ઋષિ કપૂરે ભજવી.