કન્નડ અભિનેત્રી સ્વાતિ સતીશ માટે, સર્જરી કરવી ભારે પડી. અભિનેત્રીએ રૂટ કેનાલ સર્જરી કરાવી હતી, પરંતુ સારવાર ખોટી પડી અને તેનો ચહેરો બગડી ગયો. અભિનેત્રીની તસવીરો સોશિયલ મીડિયા પર વાયરલ થઈ રહી છે, જેમાં તેને ઓળખવી મુશ્કેલ બની રહી છે.
સ્વાતિની જે તસવીરો ઈન્ટરનેટ પર વાયરલ થઈ રહી છે તેમાં તેનો ચહેરો એક બાજુથી સંપૂર્ણ રીતે સોજી ગયો છે. તેની આંખો, હોઠ, ગાલ અને ચહેરાનો નીચેનો ભાગ સંપૂર્ણપણે વિકૃત દેખાય છે. અભિનેત્રીના કહેવા પ્રમાણે, તેણે રૂટ કેનાલ સર્જરી કરાવી હતી, જેના પછી તેનો ચહેરો આવો થઈ ગયો છે.
માહિતી અનુસાર, સ્વાતિના ડૉક્ટરે કહ્યું હતું કે તેને ગભરાવાની જરૂર નથી કારણ કે તેનો સોજો એક-બે દિવસમાં ઠીક થઈ જશે. પરંતુ અભિનેત્રીની વાત માનીએ તો ત્રણ અઠવાડિયા વીતી ગયા અને તેના ચહેરાની સ્થિતિ યથાવત્ છે. તેનો ચહેરો સુધરવાને બદલે ખરાબ થઈ રહ્યો છે.
એક્ટ્રેસનું કહેવું છે કે આ કારણે તેણે ઘરની બહાર જવાનું બંધ કરી દીધું છે. ડોક્ટર પર આરોપ લગાવતા અભિનેત્રીએ કહ્યું કે તેની સારવાર ખોટી રીતે કરવામાં આવી છે. ડૉક્ટરે તેના દાંતને સુન્ન કરવા માટે એનેસ્થેસિયાને બદલે સેલિસિલિક એસિડ આપ્યું.