8 જૂન, 1957ના રોજ મુંબઈમાં જન્મેલી ડિમ્પલ બાળપણથી જ અભિનેત્રી બનવા માંગતી હતી. ડિમ્પલ કાપડિયાએ 16 વર્ષની ઉંમરે ફિલ્મ નિર્માતા રાજ કપૂરની ‘બોબી’ (1973) થી બોલિવૂડમાં પ્રવેશ કર્યો હતો. તે જ વર્ષે ડિમ્પલે પોતાનાથી 15 વર્ષ મોટા રાજેશ ખન્ના સાથે લગ્ન કર્યા અને ફિલ્મોથી દૂર રહી. આજે અમે તમને બંનેની લવ સ્ટોરી અને લગ્ન વિશે જણાવવા જઈ રહ્યા છીએ
બહુ ઓછા લોકો જાણે છે કે રાજેશ ખન્ના સાથે ડિમ્પલ કાપડિયાની પહેલી મુલાકાત તે ફિલ્મોમાં દેખાય તે પહેલા થઈ હતી. વાસ્તવમાં બંનેની મુલાકાત અમદાવાદના નવરંગપુરા સ્પોર્ટ્સ ક્લબમાં થઈ હતી. હિમાંશુભાઈ વ્યાસે જણાવ્યું હતું કે 70ના દાયકામાં રાજેશ ખન્ના નવરંગપુરા સ્પોર્ટ્સ ક્લબમાં મુખ્ય અતિથિ તરીકે ગયા હતા. ત્યાં રાજેશ ખન્નાને ડિમ્પલ ખૂબ જ ગમી ગઈ હતી અને બંનેની લવ સ્ટોરી શરૂ થઈ ગઈ હતી.
ડિમ્પલ કાપડિયા અને રાજેશ ખન્નાએ 1973માં લગ્ન કર્યા હતા. તે સમયે રાજેશ ખન્ના ડિમ્પલ કરતા 15 વર્ષ મોટા હતા. લગ્ન બાદ ડિમ્પલ 11 વર્ષ સુધી મોટા પડદાથી દૂર રહી. ટ્વિંકલ અને રિંકીનો જન્મ એક જ સમયે થયો હતો. ડિમ્પલ ફિલ્મોમાં કામ કરવા માંગતી હતી, પરંતુ કાકા તેની વિરુદ્ધ હતા. પરિણામે તેમનો સંબંધ લાંબો સમય ટકી શક્યો નહીં અને નવ વર્ષ પછી બંને અલગ થઈ ગયા. ડિમ્પલ રાજેશ ખન્નાને છોડીને દીકરીઓ સાથે પિતાના ઘરે રહેવા લાગી. કાકાથી અલગ થયાના બે વર્ષ બાદ ડિમ્પલે ફિલ્મ ‘સાગર’થી પુનરાગમન કર્યું હતું અને એ પછી એ ઘણી ફિલ્મોમાં દેખાઈ
જ્યારે ડિમ્પલ કાપડિયાએ રાજેશ ખન્નાથી અલગ રહેવાનું શરૂ કર્યું અને ફિલ્મોમાં પણ પુનરાગમન કર્યું, ત્યારે એવા અહેવાલો આવ્યા કે સની દેઓલ સાથે તેની નિકટતા વધવા લાગી. બંને 11 વર્ષ સુધી સાથે હતા. ડિમ્પલ ઈચ્છતી હતી કે સની તેની સાથે લગ્ન કરે, પરંતુ સની પહેલેથી જ પરિણીત હતો અને તેની પત્નીને છૂટાછેડા આપવા માંગતો ન હતો. કહેવાય છે કે આ જ કારણથી ડિમ્પલ કાપડિયાએ રાજેશ ખન્નાથી 27 વર્ષ સુધી અલગ રહ્યા બાદ પણ તેને છૂટાછેડા આપ્યા ન હતા. તે જ સમયે, ડિમ્પલ તેમના અંતિમ દિવસોમાં રાજેશ ખન્ના સાથે રહી અને 18 જુલાઈ 2012ના રોજ તેમનું અવસાન થયું.