આયુષ્માન ખુરાનાની પત્ની તાહિરા કશ્યપ તેની સ્પષ્ટવક્તા માટે જાણીતી છે. સ્ટાર વાઈફ હોવા ઉપરાંત તાહિરા એક ફેમસ રાઈટર પણ છે. તેણીએ તેના પુસ્તકોમાં માતા અને સ્ત્રી હોવાના પડકાર વિશે પણ વાત કરી છે. આ ઉપરાંત તાહિરા પોતાની પર્સનલ લાઈફ વિશે પણ ખુલીને વાત કરતી રહે છે. આવી સ્થિતિમાં હવે તાહિરા કશ્યપે આયુષ્માન ખુરાના સાથેની પોતાની સેક્સ લાઈફ વિશે ખુલાસો કર્યો છે.
તાહિરા શિલ્પા શેટ્ટીના શો શેપ ઓફ યુમાં પહોંચી હતી. આ શોમાં તેણે પોતાની સેક્સ લાઈફ વિશે કંઈક એવું કહ્યું, જેને સાંભળીને શિલ્પા આશ્ચર્યચકિત થઈ ગઈ. શો દરમિયાન તાહિરાએ શિલ્પા સાથે ખૂબ મસ્તી કરી હતી. શોમાં શિલ્પાએ તાહિરાને પૂછ્યું કે તે તેના પુસ્તકમાં સેક્સ લખવામાં કેટલી કમ્ફર્ટેબલ છે? તેના જવાબમાં તેણે કેલરી બર્ન કરવા માટે સેક્સને શ્રેષ્ઠ વર્કઆઉટ ગણાવ્યું.
આ વાતચીત દરમિયાન તાહિરાએ તેની કેન્સર જર્ની વિશે પણ જણાવ્યું. તેણીએ કહ્યું કે કેન્સર દરમિયાન તેણીએ તેના બધા વાળ કાપી નાખ્યા ત્યારે તે ઘરે એકલી હતી. વાળ કપાયા બાદ તાહિરાએ જ્યારે અરીસામાં પોતાની જાતને જોઈ તો તેણે કહ્યું કે આ સેક્સી વ્યક્તિ કોણ છે. તાહિરાએ જણાવ્યું કે તે પોતાને સેક્સી લાગતી હતી.
તાહિરાએ એમ પણ કહ્યું કે સોનાલી બેન્દ્રેના આ લુકથી તેના હોશ ઉડી ગયા. સોનાલી અમેરિકાથી કેન્સરની સારવાર કરાવીને ભારત પરત ફરી હતી. ત્યારબાદ તેનો લુકમાં જોવા મળ્યો હતો. પરંતુ તાહિરાએ કહ્યું કે તેને ખબર ન હતી કે સોનાલીના 6 મહિના પછી તેણે પોતે પણ આવી જ પરિસ્થિતિમાંથી પસાર થવું પડશે.