જાણીતા લેખક-સિદ્ધાંતકાર તારિક ફતેહે કહ્યું છે કે આમિર અને શાહરૂખ ખાન જેવા સ્ટાર્સે આગળ આવવું જોઈએ અને મૌલવીઓને કહેવું જોઈએ કે લોકોને ઉશ્કેરવાનું બંધ કરો. આમિર ખાને મુસ્લિમોના દૃષ્ટિકોણથી ફિલ્મ બનાવવી જોઈએ. આ સ્ટાર્સની ફેન ફોલોઈંગ લાંબી છે, તેથી લોકો તેમને સાંભળશે. ફતેહે એક્ટર નસીરુદ્દીન શાહ પર પણ આકરા પ્રહાર કર્યા છે.
તારિક ફતેહે કહ્યું કે આમિર ખાનની પૂર્વ પત્નીએ કહ્યું હતું કે તે ભારતમાં રહેવાથી ડરે છે. તેઓએ વિશ્વના અન્ય દેશોમાં જઈને જોવું જોઈએ કે ત્યાંના મુસ્લિમો કઈ સ્થિતિમાં જીવી રહ્યા છે. જો તમે ભારતમાં ખતરો અનુભવો છો, તો તેનો અર્થ એ છે કે તમને દુનિયા વિશે કોઈ ખ્યાલ નથી.
એક વાતચીત દરમિયાન જ્યારે તારિક ફતેહને પૂછવામાં આવ્યું કે શું તેઓ સલમાન, આમિર અને શાહરૂખને મુસ્લિમોના મુદ્દા પર ફિલ્મ બનાવવાની સલાહ આપશે ? તેણે કહ્યું, ‘સલમાન ખાન એક સારો વ્યક્તિ છે, બાકીના બંને (આમીર અને શાહરૂખ)નો સારો ફેન બેઝ છે, તેમણે આગળ આવવું જોઈએ.’
આ વાતચીતમાં તારિક ફતેહે એક્ટર નસીરુદ્દીન શાહ પર પણ કટાક્ષ કર્યો હતો. તેણે કહ્યું કે તે એક સારો વ્યક્તિ છે, પરંતુ ક્યારેક દબાણમાં આવીને તે ખોટા નિવેદનો કરે છે. ફતેહે નુપુર શર્માના વિવાદાસ્પદ નિવેદન પર કહ્યું કે ‘નુપુર શર્માનું નિવેદન સાચુ નહોતું પરંતુ તેને શિવલિંગ વિશે પણ ટોણા મારવામાં આવ્યા હતા.’