બધા જ ગાદલા એક સમાન હોતા નથી અને બધા જ દરેક માટે આરામદાયક પણ હોતા નથી. જાણો કે કયા આધારે તમારે સુવાનું ગાદલું પસંદ કરવું જોઈએ.
સારી ઊંઘ દરેક માટે ખૂબ જ મહત્વપૂર્ણ હોય છે. તે આપણા મૂડ, પ્રભાવ, સર્જનાત્મકતા સાથે તેમજ આરોગ્યને પણ અસર કરે છે. દરેક વ્યક્તિ માટે 7 થી 8 કલાકની ઊંઘ જરૂરી છે. તે શરીરને સક્રિય રાખવામાં અને રોગોથી બચાવવામાં મદદ કરે છે. પરંતુ અન્ય ઘણી વસ્તુઓ ઊંઘને પણ અસર કરે છે, જેમાં તાણ, કેફીન અને આલ્કોહોલનું વ્યસન સામેલ છે. આટલું જ નહીં, તમારા બેડરૂમમાં ગાદલા પણ ખરાબ ઊંઘનું કારણ બની શકે છે.
હકીકતમાં, ગાદલું ખરીદતી વખતે આપણે તેની ગુણવત્તા પર ભાગ્યે જ ધ્યાન આપીએ છીએ કારણ કે બધા ગાદલા લગભગ એકસરખા લાગતા હોય છે. પરંતુ પછીથી આપણે સમજી શકીએ કે ગાદલાને લીધે ઓછી ઊંઘ આવે છે તેમજ કમર અને પીઠમાં દુખાવો જેવી સમસ્યાઓ પણ થઈ રહી છે. જો તમને એવું લાગે છે, તો તરત જ તમારું ગાદલું બદલો.
વિજ્ઞાન શું કહે છે?
અગાઉના ડૉક્ટર્સ સારી મુદ્રા જાળવવા માટે સખત ગાદલું વાપરવાનું સૂચન કરતા હતા. પરંતુ તાજેતરના અધ્યયનમાં જાણવા મળ્યું છે કે મધ્યમ ફર્મ ગાદલું વધુ આરામદાયક હોય છે અને તેનો ઉપયોગ કરવાથી ઊંઘની ગુણવત્તામાં પણ વધારો થાય છે. જોકે દરેક વ્યક્તિની પસંદગી જુદી જુદી હોય છે. જો તમને પહેલાથી જ કમર અને પીઠનો દુખાવો છે, તો તમારા માટે એક મધ્યમ ફર્મ ગાદલું વધુ સારું વિકલ્પ હોઈ શકે છે.
યોગ્ય ગાદલું કેવી રીતે પસંદ કરવું?
હકીકતમાં બધા ગાદલા એક સમાન હોતા નથી અને બધા જ માટે તે આરામદાયક પણ હોતા નથી. કઈ વ્યક્તિ માટે કેવા પ્રકારનું ગાદલું આરામદાયક છે તે તેની જરૂરિયાત અને આરોગ્ય પર આધાર રાખે છે. રસપ્રદ વાત એ છે કે આપણે આપણા જીવનનો ત્રીજો ભાગ ઊંઘવામાં વિતાવીએ છીએ પરંતુ આપણે જે ગાદલા પર સૂઈએ છીએ તેના પર ક્યારેય ધ્યાન આપતા નથી. જો તમારું ગાદલું તમારી કરોડરજ્જુને ટેકો આપતું નથી, તો તમે સામાન્ય રીતે કમર અને પીઠના દુખાવાથી પરેશાન થઈ શકો છો. તેથી ગાદલું ખરીદતી વખતે, નીચેની બાબતોનું ખાસ ધ્યાન રાખો:
ગાદલા પર સૂઈને જોવો
ગાદલાને સ્પર્શીને તે ક્યારેય જાણી શકાતું નથી કે તે આરામદાયક છે કે નહીં. તેથી જ્યારે પણ તમે ગાદલું ખરીદવા જાઓ છો, ત્યારે થોડો સમય ગાદલા પર સૂઈને જોવો. જો તે ખરેખર આરામદાયક છે તો જ તેને ખરીદો.
ફેબ્રિકની ગુણવત્તાને તપાસો
જો તમે ખૂબ જ ગરમ અથવા ભેજવાળા વિસ્તારમાં રહો છો, તો ગાદલું ખરીદતા પહેલા, તપાસો કે તે બ્રીથેબલ (શ્વાસનીય) ફેબ્રિકથી બનેલું છે કે નહીં. આ પ્રકારના ગાદલા ખૂબ આરામદાયક છે અને તેના પર ઊંઘ પણ સારી આવે છે.
સૂવાની સ્થિતિ તપાસો
ગાદલા પર યોગ્ય સ્થિતિમાં સૂવા પર પણ ધ્યાન આપવું ખૂબ મહત્વનું છે. તેથી ગાદલું ખરીદતા પહેલા, તમારી સૂવાની સ્થિતિ તપાસો.
કેટલીકવાર ગાદલું જૂનું થઈ જાય ત્યારે તે વચ્ચેથી ઘસાઈ જાય છે જેના કારણે પીઠ અને કમરનો દુખાવો થવાનું શરૂ થાય છે. નેશનલ સ્લીપ ફાઉન્ડેશન અનુસાર તમારે દર 8 વર્ષે ગાદલું બદલવું જોઈએ.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત