દહીંને સ્વાસ્થ્ય માટે ખૂબ ફાયદાકારક માનવામાં આવે છે. તેનાથી પાચન શક્તિ તેમજ શરીરની રોગ પ્રતિકારક શક્તિ પણ વધે છે. પ્રોબાયોટિક ગુણધર્મોથી ભરપૂર આ ખોરાક કેલ્શિયમથી પણ ભરપૂર છે જે આપણા શરીરના હાડકાંને મજબૂત રાખે છે.
તેમા વિટામિન બી-૨, વિટામિનબી-૧૨, મેગ્નેશિયમ, પોટેશિયમ અને પ્રોટીન પણ ભરપૂર માત્રામાં છે, જેના કારણે તેને સુપર ફૂડની કેટેગરીમાં સામેલ કરવામાં આવે છે. આ તમામ ગુણધર્મોને કારણે તેને રોજ ખાવાની સલાહ આપવામાં આવે છે.
પરંતુ, તમને જણાવી દઈએ કે આવા સ્વાસ્થ્ય લાભકારક ખોરાકથી કેટલીક એવી વસ્તુઓ છે જે તેને હાનિકારક બનાવે છે. જો તમે હજી પણ સ્વાદ વધારવા માટે આ કરી રહ્યા છો તો તમને જણાવીએ કે આમ કરીને, તમે શરીરમાં ઝેર ફેલાવી રહ્યા છો, જે તમારા શરીરની રોગપ્રતિકારક શક્તિને ઝડપથી ઘટાડે છે. તો ચાલો જાણીએ કે કઈ એવી વસ્તુઓ છે, જેને દહીં સાથે ન ખાવી જોઈએ.
દહીં સાથે ડુંગળીનું સેવન :
ઉનાળાના દિવસોમાં લોકો ઘણી વાર ઘરે રાયતા બનાવતા હોય છે, દહીંમાં ડુંગળી ઉમેરતા હોય છે. તે સ્વાદમાં સારું હોઈ શકે છે, પરંતુ આરોગ્ય માટે ખૂબ હાનિકારક છે. આયુર્વેદ મુજબ દહીં તાસીરમાં ઠંડું હોય છે. જ્યારે ડુંગળીની તાસીર ગરમ હોય છે. બંનેનો એક સાથે ઉપયોગ કરવાથી તમને એલર્જી થઈ શકે છે. આમ કરવાથી શરીર પર ચિકનગુનિયા, એક્ઝિમા, સોરાયસિસ, ગેસ, એસિડિટી, ઊલટી જેવી સમસ્યા થઈ શકે છે.
દૂધ અને દહીંનો ઉપયોગ એકસાથે કરો :
આમ તો બંને દૂધની પેદાશો છે, પરંતુ આયુર્વેદમાં આ બંનેનો ઉપયોગ નિષેધ માનવામાં આવે છે. બંનેનો એક સાથે ઉપયોગ કરવાથી પેટમાં ઝાડા, ગેસ, પેટમાં દુખાવો, અપચો જેવી અનેક સમસ્યાઓ થાય છે.
કેરી સાથે દહીં :
જો કે આપણે બધા ઉનાળાની ઋતુમાં કેરીની લસ્સી ખાવાનું પસંદ કરીએ છીએ, પરંતુ તે આપણા સ્વાસ્થ્ય માટે હાનિકારક છે. હકીકતમાં, બંને એકબીજાથી વિપરીત છે, જે જ્યારે તમે તેમને સાથે ખાઓ છો ત્યારે શરીર પર ત્વચાની સમસ્યાઓ પેદા કરી શકે છે. ઉપરાંત તે શરીરમાં ઝેર વધારે છે, જે આપણા પાચનને પણ અસર કરે છે.
માછલી અને દહીં :
એવું કહેવામાં આવે છે કે પ્રોટીનથી ભરપૂર બે ખોરાકનું ક્યારેય પણ સાથે સેવન ન કરવું જોઈએ. જ્યારે આપણે માછલી સાથે દહીંનું સેવન કરીએ છીએ, ત્યારે તેના પરિણામે ઘણી બિમારીઓ થઈ શકે છે. બંને પ્રોટીનથી ભરપૂર હોય છે, જેના કારણે અપચો, પેટમાં દુખાવો જેવી સમસ્યાઓ થઈ શકે છે.
અડદની દાળ સાથે દહી :
જો આપણે દહીં સાથે અડદની દાળનું સેવન કરીએ તો પેટમાં એસિડિટી, સોજો, ઢીલી ગતિ જેવી સમસ્યાઓ થઈ શકે છે. તેથી આ બંનેનું એકસાથે ક્યારેય પણ સેવન ન કરવું જોઈએ.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત