જો તમે તમારા ચહેરાની ચમક ગુમાવી દીધી છે, તો આ સમાચાર તમને મદદ કરી શકે છે. ચાલો જોઈએ કે ગ્લોઈંગ સ્કિન મેળવવા માટે લોકો શું નથી કરતા. બ્યુટી પ્રોડક્ટ્સ અને પાર્લરમાં હજારો રૂપિયા ખર્ચ્યા પછી પણ કાયમી સ્કિન ગ્લો ઉપલબ્ધ નથી થતી , જોકે કેટલાક ઘરેલૂ ઉપાયો અપનાવીને તમે તમારી કાયમી ચમકતી ત્વચા જાળવી શકો છો.
સવારે ઊઠો અને પાણી પીઓ :
આપણે જોઈએ છીએ કે મોટાભાગના લોકો દિવસની શરૂઆત ચા અથવા કોફીથી કરે છે, પરંતુ જો તમે સવારે ઊઠતાની સાથે જ એક ગ્લાસ પાણી પીવો છો, તો તે તમારા શરીરને હાઇડ્રેટ કરવા માટેનો શ્રેષ્ઠ વિકલ્પ હોઈ શકે છે. રોજ એક ગ્લાસ પાણી પીવાથી શરીરમાંથી વેસ્ટ મટીરિયલ બહાર કાઢવામાં મદદ મળશે. તમે સવારે ઊઠીને લીંબુ પાણીમાં મધ ઉમેરીને પી શકો છો. તેનાથી ચહેરો કુદરતી રીતે ચમકી જશે.
સવારે ઊઠો અને આ રૂટિનને અનુસરો :
તમારે સવારની ત્વચાની સંભાળના રૂટિનમાં કેટલીક ટીપ્સનું પાલન કરવું જોઈએ. જેમ કે ક્લીન્ઝર થી ચહેરાની સફાઈ કરવી, એન્ટિઓક્સિડન્ટ્સ અને આલ્કોહોલ મુક્ત ટોનર લગાવવા, મોઇશ્ચરાઇઝર લગાવવું અને સનસ્ક્રીન લોશન નો ઉપયોગ કરવો, આ પગલાં તમારી ત્વચાને સાફ, ગરમ, મોઇશ્ચરાઇઝ અને સુરક્ષિત રાખવામાં મદદ કરશે. એક અઠવાડિયા સુધી આમ કરવાથી તમને ફરક પડશે.
કસરતથી થશે આશ્ચર્યજનક ફાયદા :
આરોગ્ય નિષ્ણાતોના જણાવ્યા મુજબ, ત્વચાની ચમક તમારા લોહીના પ્રવાહ પર નિર્ભર કરે છે, કારણ કે ત્વચાને લોહીના પ્રવાહમાંથી પૂરતા પ્રમાણમાં પોષણ મળે છે. આ માટે દરરોજ સવારે અડધો કલાક કસરત કરવી જોઈએ. જેની મદદથી શરીરમાંથી ઝેર બહાર નીકળે છે અને કોલેજનનું ઉત્પાદન વધે છે. કોલેજન એક પ્રકારનું પ્રોટીન છે, જે આપણને ત્વચાની રચના જાળવવામાં ઘણી મદદ કરે છે.
તંદુરસ્ત નાસ્તો કરવો જોઈએ :
સ્વસ્થ રહેવા માટે હેલ્ધી બ્રેકફાસ્ટ પણ જરૂરી છે. આપણે જોઈએ છીએ કે ઘણા લોકો નાસ્તા પર ઓછું ધ્યાન આપે છે, લોકો સવારે ચા સાથે બિસ્કિટ લઈને બહાર જાય છે, અથવા કંઈ પણ હળવું લે છે. કેટલાક લોકો ખાલી પેટે ચા પીને દિવસ ની શરૂઆત કરે છે પરંતુ, તમારી ત્વચાને ચમકાવવા માટે તમારે તંદુરસ્ત નાસ્તો કરવો જોઈએ. તમે નાસ્તામાં નારંગી, સફરજન, ઓટમીલ, દૂધ શામેલ કરી શકો છો.