આપણા દાંત જેટલા સ્વચ્છ હશે આપણે એટલું જ સુંદર હસી શકીશું, લોકોને મળી શકીશું, સરળતાથી વાત કરી શકીશું કારણ કે પીળા અને દાગ ધબ્બા વાળા દાંત જોવા કોઈને નથી ગમતા અને જયારે આવા દાંત હોઈ ત્યારે આપણે ઇચ્છવા છતાં પણ પોતાનું મોઢું નથી ખોલી શકતા.
ચોખ્ખા દાંત એ સારી પર્સનાલિટીની નિશાની છે. પરંતુ ઘણા લોકોને દાંત પીળા પડી જવાની સમસ્યા રહેતી હોય છે. કોઈ વ્યસન જેવા કે તમાકુ, બીડી, સિગારેટ, શરાબ, સોપારીના કારણે દાંત પીળા થઇ જાય છે તો કેટલાક લોકોને વધુ પડતી ચોકલેટ ખાવાથી પણ આ સમસ્યા ઉદભવે છે. ઘણા લોકોનું શરીર એવું હોય છે કે એમને કોઈપણ વ્યસન ના હોવા છતાં પણ દાંતમાં પીળાશ આવવાની સમસ્યા રહેતી હોય છે.
તો દાંતમાં આવેલી આ પીળાશને દૂર કરવા માટે અમે તમારી માટે આજે કેટલાક ઘરેલુ ઉપાયો લઈને આવ્યા છે જેનો ઉપયોગ તમે બ્રશ કરતા સમયે કે નવરાશના સમયે કરશો તો તમારા દાંતની પીળાશ દૂર થશે અને તે મોતીઓની જેમ ચમકવા પણ લાગશે. આજે અમે તમને એક એવો ઘરેલૂ ઉપાય જણાવી રહ્યાં છે, જેની મદદથી દાંત પર ખરાબ પીળા અને કાળા ડાઘને દૂર કરી શકાશે. આ ઉપાય એકદમ સરળ છે અને ટૂથપેસ્ટની સાથે જ આ ઉપાય કરી શકાય છે. જો તમે નિયમિત આ ઉપાય કરશો તો તમારા દાંત એકદમ વ્હાઈટ થઈ જશે. ચાલો જાણીએ.
આ ૩ વસ્તુઓની જરૂર પડશે
કોઈપણ ટૂથપેસ્ટ
૧/૪ ચમચી બેકિંગ સોડા
૧ ચમચી લીંબુનો રસ
પ્રોસેસ
૧ વાટકીમાં થોડી ટૂથપેસ્ટ કાઢીને તેમાં ૧ ચમચી લીંબુનો રસ મિક્ષ કરો. પછી તેમાં ૧/૪ બેકિંગ સોડા નાંખીને ત્રણેય વસ્તુઓને બરાબર મિક્સ કરો. તેમાં ફીણ જેવું દેખાશે. તમારી પેસ્ટ તૈયાર છે.
આ રીતે લગાવો
આ પેસ્ટને દાંત પર લગાવવા માટે આંગળીનો ઉપયોગ ન કરવો. ટૂથબ્રશમાં આ પેસ્ટ લગાવીને બ્રશ કરો. આનાથી દાંતની ગંદકી બહાર નીકળી જશે. પછી પાણીથી કોગળા કરી લો. તરત જ તમને અસર દેખાશે. દાંત સાફ થઈ જશે. આ ઉપાય સપ્તાહમાં બેવાર કરો. થોડાં દિવસોમાં જ પીળા દાંત એકદમ સાફ થઈ જશે.
આ ઉપરાંત કેટલાક ઉપાયો
લીંબુ અને સિંધવ મીઠું:
લીંબુના છોતરામાં સિંધવ મીઠું ઉમેરી દાંત ઉપર ઘસવામાં આવે તો દાંત સફેદ બને છે. દાંત ઉપર રહેલી પીળાશ દૂર થાય છે કારણ કે લીંબુની અંદર વિટામિન સી રહેલું છે અને મીઠું ગંદકી સાફ કરે છે જેના કારણે થોડા જ દિવસમાં તમને ફર્ક જોવા મળશે.
હળદર:
અડધી ચમચી હળદરમાં થોડું પાણી ઉમેરી તેની પેસ્ટ બનાવી બ્રશ દ્વારા કે આંગળીથી તે દાંત ઉપર ઘસવામાં આવે તો દાંતમાં રહેલી પીળાશ દૂર થાય છે. હળદરનો રંગ ભલે પીળો હોય પરંતુ દાંતને તે સફેદ બનાવે છે.
કેળું:
દાંતને સફેદ કરવા માટે કેળું પણ ખુબ જ ઉપયોગી છે કારણ કે કેળાની અંદર પોટેશિયમ અને મેગ્નેશિયમ વધારે પ્રમાણમાં હોય છે જે તમારા દાંતને સફેદની સાથે મજબૂત પણ બનાવે છે. તમારે માત્ર પાકા કેળાની છાલનો અંદરનો ભાગ લઈ બે કે ત્રણ મિનિટ સુધી પોતાના દાંત ઉપર ઘસવાનો છે. થોડા દિવસમાં જ ફર્ક તમને દેખાઈ આવશે.
નારિયેળનું તેલ:
નારિયેળ તેલના ઘણા ફાયદા છે. તેનો એક ફાયદો દાંત માટે પણ ખુબ જ ઉપયોગી છે. નારિયેળમાં રહેલું લોરિક એસિડ દાંત ઉપર જામી ગયેલઈ ક્ષારી દૂર કરવામાં મદદ કરે છે. નારિયેળના એક ચમચી તેલને મોઢામાં ૧-૨ મિનિટ સુધી રાખી કોગળા કરી પછી બ્રશ કરવામાં આવે તો પણ દાંત જલ્દી સફેદ થઇ જશે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ –
આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.
આપણું પેજ “હેલ્થ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ હેલ્થ ગુજરાત