આ ઝરણાનું દ્રશ્ય જોઈને તમારું મન પ્રફુલ્લિત થઈ જશે, ન્યુટનનો નિયમ પણ અહીં ખોટો પડ્યો, જાણો કઈ રીતે લોકોનું મન હરી રહ્યું છે

ઘણી વાર કહેવતોમાં આપણે કહીએ છીએ કે ગંગા ઉલટી વહે છે, જેનો અર્થ છે કંઈક વિરુદ્ધ કામ કરવું. તમે ઉલટી ગંગા પણ સાંભળી હશે, પરંતુ શું તમે ક્યારેય સાંભળ્યું છે કે ધોધ ઊંધો પણ વહી શકે છે ? જો તમે પહેલીવાર સાંભળી રહ્યા હોવ તો નવાઈ પામશો નહીં, આ સત્ય છે. ભારતના જ એક રાજ્યમાં કુદરતનો અદ્ભુત નજારો છે. આ અનોખા ધોધને જોવા માટે અહીં લાખો લોકો એકઠા થાય છે.

વાસ્તવમાં અમે અહીં મહારાષ્ટ્રના નાણેઘાટ રિવર્સ વોટરફોલની વાત કરી રહ્યા છીએ. નાનેઘાટ રિવર્સ વોટરફોલ તેના અદ્ભુત નજારાના કારણે લાંબા સમયથી રહસ્યમય રહ્યો છે. આ નાણેઘાટ રિવર્સ વોટરફોલ અન્ય ધોધની જેમ ઉપરથી નીચે તરફ વહેતો નથી પરંતુ નીચેથી ઉપર તરફ વહે છે. આ ધોધ પુણેમાં જુન્નાર પાસે છે. વરસાદના દિવસોમાં, આ ધોધ વધુ તેજસ્વી બને છે.

આ નાણેઘાટ રિવર્સ વોટરફોલ પાછળના નિષ્ણાતો દાવો કરે છે કે આ બધુ જોરદાર પવનની રમત છે. જોરદાર પવનના બળને કારણે ઝરણાનું પાણી વિરુદ્ધ દિશામાં વહેવા લાગે છે. એવું કહેવાય છે કે નાનાઘાટ ધોધ ન્યૂટનના ગુરુત્વાકર્ષણના નિયમને નિષ્ફળ કરે છે. તમને જણાવી દઈએ કે નાનેઘાટ ધોધનો આ નજારો જોવા માટે 5 થી 6 કલાકનો ટ્રેકિંગ રૂટ છે.