આનાથી વધારે હવે ગંદુ અને ખરાબ કંઈ જ ના હોય, જંગલી ઘો સાથે 4 લોકોએ કર્યો ગેંગરેપ, આખી દુનિયામાં ફિટકાર
મહારાષ્ટ્રના સહ્યાદ્રી ટાઈગર રિઝર્વમાંથી એક ચોંકાવનારા સમાચાર સામે આવ્યા છે. હકીકતમાં, ગોથાણે ગામ નજીક સહ્યાદ્રી ટાઈગર રિઝર્વમાં બંગાળ મોનિટર લિઝર્ડ (જંગલી ઘો) પર કથિત બળાત્કારની ઘટનાએ બધાને ચોંકાવી દીધા છે. આ કેસમાં ચાર લોકોની ધરપકડ કરવામાં આવી છે, શિકારીઓ તરીકે ઓળખાયેલા આરોપીઓ કથિત રીતે ગાભા વિસ્તારમાં ટાઈગર રિઝર્વના કોર ઝોનમાં પ્રવેશ્યા હતા અને પછી આ જઘન્ય ગુનો કર્યો હતો.
કેટલાક મીડિયા અહેવાલો અનુસાર, આરોપીઓની ઓળખ સંદીપ તુકારામ, પવાર મંગેશ, જનાર્દન કામટેકર અને અક્ષય સુનીલ તરીકે કરવામાં આવી છે. આ સાથે વન વિભાગે આરોપીઓના મોબાઈલ ફોનની પણ તપાસ કરી હતી, જે બાદ આ ઘટનાની જાણ થઈ હતી. ફોરેસ્ટ અધિકારીઓને આરોપીઓ દ્વારા આ ગુનાનું રેકોર્ડિંગ પણ મળ્યું છે, જેમાં સ્પષ્ટ જોઈ શકાય છે કે આરોપીઓએ મોનિટર લિઝર્ડ પર ગેંગરેપ કર્યો છે.
CCTV ની મદદથી, સાંગલી ફોરેસ્ટ રિઝર્વમાં તૈનાત વન અધિકારીઓએ જંગલમાં ફરતા જોવા મળતા આરોપીઓની શોધ કરી હતી. આ દરમિયાન અધિકારીઓએ જણાવ્યું કે ત્રણેય આરોપી કોંકણથી કોલ્હાપુરના ચંદોલી ગામમાં શિકાર માટે આવ્યા હતા. આ સાથે એવું પણ કહેવામાં આવ્યું છે કે વન અધિકારીઓ આ સમગ્ર મામલો તમામ આરોપીઓ સામે કોર્ટમાં ઉઠાવશે. આરોપીઓને કોર્ટમાં રજૂ કરવામાં આવશે અને તેમની સામે જે પણ યોગ્ય કાર્યવાહી કરવામાં આવશે.
જણાવી દઈએ કે બંગાળ મોનિટર લિઝર્ડ વાઈલ્ડલાઈફ પ્રોટેક્શન એક્ટ 1972 હેઠળ, જે કોઈ પણ આ અનામત પ્રજાતિને નુકસાન પહોંચાડશે તો તેને 7 વર્ષની જેલની સજા થશે. સાથે જ આ આરોપીઓ સામે પણ આવી જ સજાની જોગવાઈ હોવાનું અનુમાન લગાવવામાં આવી રહ્યું છે.
