આથિયા શેટ્ટી-કેએલ રાહુલના લગ્નની ખબરો વચ્ચે ભાઈ અહાનનો ખુલાસો, કહી આ વાત
સુનીલ શેટ્ટીની પુત્રી આથિયા શેટ્ટી અને કેએલ રાહુલ તેમના લગ્નના સમાચારને કારણે ચર્ચામાં છે. દાવો કરવામાં આવી રહ્યો છે કે બંને આ વર્ષના અંત સુધીમાં લગ્ન કરી શકે છે. આટલું જ નહીં, બંનેના લગ્નની તૈયારીઓ સાથે જોડાયેલો એક અહેવાલ પણ સામે આવ્યો, જેણે ચાહકોને ખુશ કરી દીધા. દાવો કરવામાં આવ્યો હતો કે સુનીલ શેટ્ટીએ તેની પુત્રીના લગ્નની તૈયારીઓ શરૂ કરી દીધી હતી. પરંતુ આ બધા સમાચારો વચ્ચે હવે આથિયા શેટ્ટીના ભાઈ અહાન શેટ્ટીએ એક નિવેદન આપ્યું છે, જેમાં તેણે પોતાની બહેનના લગ્નની સત્યતા જણાવી છે.
અહાન શેટ્ટીએ હાલમાં જ એક ઈન્ટરવ્યુ આપ્યો હતો, જેમાં અહાને આથિયા અને કેએલ રાહુલના લગ્ન પર ખુલીને વાત કરી હતી. તેણે કહ્યું, ‘અમે ઇડ મનાવવા અમારા નાનાના ઘરે ગયા હતા. ત્યાં અમે બધા દર વર્ષે જઈએ છીએ. અમે તેને અબ્બુ કહીએ છીએ. અમે ત્યાં રાત્રિભોજન કર્યું અને જ્યાં સુધી લગ્નની વાત છે, તે હજી દૂર છે. હજુ લગ્નની તૈયારીઓ થઈ નથી. તેમજ કોઈ તારીખ પણ નક્કી કરવામાં આવી નથી.
અહાન શેટ્ટીએ એમ પણ કહ્યું કે, ‘લગ્નની તારીખ હજુ નક્કી કરવામાં આવી નથી. તેથી હું કશું કહી શકું તેમ નથી. લગ્ન સાથે જોડાયેલા તમામ સમાચાર માત્ર અફવા છે. હજુ બંનેની સગાઈ થઈ નથી. હાલમાં, તે માટે પણ કોઈ યોજના નથી. અહાન શેટ્ટીના આ નિવેદને હવે આથિયા અને કેએલ રાહુલના લગ્ન સાથે જોડાયેલા દરેક સમાચાર પર પૂર્ણવિરામ મૂકી દીધું છે.
તાજેતરમાં, અહેવાલો સામે આવ્યા હતા કે સુનીલ શેટ્ટી તેની પુત્રીના લગ્ન માટે ખૂબ જ ભાવુક છે અને અભિનેતા તેની પુત્રીના લગ્નમાં કોઈ કસર છોડવા માંગતો નથી. રિપોર્ટ અનુસાર, સુનીલ શેટ્ટીએ ખાસ દિવસ માટે સારી હોટલ, કેટરર્સ અને ડિઝાઇનર્સ પણ બુક કરાવ્યા છે. એવો દાવો કરવામાં આવી રહ્યો છે કે આ અથિયાના લગ્ન સમારોહનો દિવસ હશે. તમને જણાવી દઈએ કે કેએલ રાહુલ અને આથિયા શેટ્ટી લાંબા સમયથી એકબીજાને ડેટ કરી રહ્યા છે અને બંનેએ ફિલ્મ ‘તડપ’ના પ્રીમિયરમાં પોતાના સંબંધોને સત્તાવાર જાહેર કર્યા હતા.
