બોની કપૂરને ભાઈ કહેતી હતી શ્રીદેવી, પછી આવી રીતે શરૂ થઈ બંનેની લવસ્ટોરી

દિવંગત અભિનેત્રી શ્રીદેવી બોલિવૂડ ઈન્ડસ્ટ્રીની ‘ચાંદની’ હતી, જે કરોડો ચાહકોના દિલમાં વસતી હતી. પોતાની શાનદાર કારકિર્દીમાં શ્રીદેવીએ ‘મિસ્ટર ઈન્ડિયા’, ‘જુદાઈ’, ‘નાગિન’, ‘લાડલા’, ‘ચાલબાઝ’ જેવી ઘણી હિટ ફિલ્મો આપીને પોતાને બોલિવૂડની સુપરસ્ટાર સાબિત કરી. પરંતુ તેની લવ લાઈફ પણ ઘણી રસપ્રદ હતી. શ્રીદેવીનું નામ મિથુન ચક્રવર્તી સાથે જોડાયેલું છે. બંને લાંબા સમયથી એકબીજાને ડેટ કરતા હતા. પરંતુ શ્રીદેવીએ બોની કપૂરને લાઈફ પાર્ટનર તરીકે પસંદ કર્યો. બોની કપૂર અને શ્રીદેવીની લવ સ્ટોરી પણ કોઈ ફિલ્મી સ્ટોરીથી ઓછી નથી.ચાલો તમને બંનેની લવ સ્ટોરી વિશે જણાવીએ.

બોની કપૂરની પહેલી પત્નીનું નામ મોના કપૂર છે જે હવે આ દુનિયામાં નથી. પરંતુ તે શ્રીદેવીની ખૂબ સારી મિત્ર હતી. આ જ કારણથી એક વખત મોનાએ શ્રીદેવીને તેના ઘરમાં રહેવા માટે જગ્યા આપી હતી. તે દિવસોમાં શ્રીદેવી મિથુન ચક્રવર્તીને ડેટ કરી રહી હતી અને બોની કપૂર પણ મોના સાથે ખૂબ જ ખુશ હતા. જોકે, મિથુનને શ્રીદેવી અને બોની કપૂર પર થોડી શંકા હતી. આ કારણથી મિથુનને મનાવવા માટે શ્રીદેવીએ બોની કપૂરને રાખડી બાંધી હતી.

બોની કપૂરની પહેલી પત્ની મોના કપૂરે એક ઈન્ટરવ્યુ આપ્યો હતો, જેમાં તેણે ખુલાસો કર્યો હતો કે શ્રીદેવીએ બોની કપૂરને રાખડી બાંધી હતી. મોનાએ કહ્યું હતું કે મિથુનને તેના પ્રેમની ખાતરી આપવા માટે, શ્રીદેવીએ બોનીને રાખડી બાંધી હતી જેથી તે ખાતરી કરી શકે કે શ્રીદેવી અને બોની વચ્ચે કંઈ નથી ચાલી રહ્યું. જોકે શ્રીદેવી અને મિથુન વચ્ચેનો સંબંધ લાંબો સમય ટકી શક્યો નહીં. મિથુન પહેલાથી જ ગીતા બાલી સાથે લગ્ન કરી ચૂક્યો હતો અને જ્યારે એમને બન્નેના સંબંધ વિશે ખબર પડી, મિથુન અને શ્રીદેવીએ પોતાનો સંબંધ તોડી નાખ્યો

જ્યારે બોની કપૂર અને શ્રીદેવી મળ્યા, ત્યારે બેશકપણે બંને વચ્ચે કંઈ નહોતું, પરંતુ ફિલ્મ ‘મિસ્ટર ઈન્ડિયા’એ બંનેને નજીક લાવવાનું કામ કર્યું. જ્યારે બોની કપૂર આ ફિલ્મનો રોલ લઈને શ્રીદેવી પાસે ગયો ત્યારે જ તેણે અભિનેત્રીને પોતાના દિલની વાત કહી. તે પછી બંનેએ ઘણી ફિલ્મોમાં સાથે કામ કર્યું. બોની કપૂરને પણ બંનેની વધતી દોસ્તીથી પરેશાની ન હતી કારણ કે શ્રીદેવીએ બોની કપૂરને ભાઈ કહીને બોલાવ્યા હતા.પરંતુ જ્યારે મોના કપૂરને શ્રીદેવીની પ્રેગ્નન્સી વિશે ખબર પડી તો તે પણ ચોંકી ગઈ. આ પછી જ મોના કપૂર અને બોની કપૂરના છૂટાછેડા થઈ ગયા. 1996માં બોની કપૂરે શ્રીદેવી સાથે મંદિરમાં લગ્ન કર્યા હતા. જો કે, જ્યારે શ્રીદેવી અને બોની કપૂરના લગ્ન થયા ત્યારે લોકોએ અભિનેત્રીને ‘હાઉસ બ્રેકર’નું ટેગ પણ આપ્યું હતું.