બોક્સ ઓફીસ પર પહેલા જ દિવસે KGF-2 એ ગાભા ફાડી નાખ્યા, છપ્પર ફાડ કમાણી, જાણો રિપોર્ટ
યશની KGF ચેપ્ટર 2 રિલીઝ થઈ ગઈ છે. આવી સ્થિતિમાં KGF 2ના એડવાન્સ બુકિંગને લઈને એક રિપોર્ટ સામે આવ્યો છે. આ હિસાબે KGF 2 એ એડવાન્સ બુકિંગમાં કરોડોની કમાણી કરી છે. KGF ચેપ્ટર 2 એ RRR, War અને Bahubali ના એડવાન્સ બુકિંગ રેકોર્ડ તોડી નાખ્યા છે.
KGF 2 એ એડવાન્સ બુકિંગમાં 65.10 કરોડની કમાણી કરી છે. ચાહકોની વધતી માંગને ધ્યાનમાં રાખીને, KGF 2 નો પહેલો શો સવારે 6 વાગ્યે શરૂ થઈ રહ્યો છે. વેપાર નિષ્ણાતોના મતે હિન્દી KGF ચેપ્ટર 2 પહેલા દિવસે લગભગ 50 કરોડની કમાણી કરી શકે છે.
અન્ય ભાષાઓ સહિત, KGF ચેપ્ટર 2 લગભગ 100 કરોડની કમાણી કરી શકે છે. અન્ય હિન્દી ફિલ્મોની તુલનામાં, હૃતિક રોશન અને ટાઈગર શ્રોફની વૉર ફિલ્મે એડવાન્સ બુકિંગમાં લગભગ રૂ. 32 કરોડની કમાણી કરી હતી.
બાહુબલી 2 એ એડવાન્સ બુકિંગમાં લગભગ 37 કરોડની કમાણી કરી છે. એડવાન્સ બુકિંગની ગતિને જોતા, અનુમાન લગાવવામાં આવી રહ્યું છે કે KGF 2 પહેલા દિવસની કમાણીમાં RRRના 156 કરોડના કલેક્શનને તોડી શકે છે.
રિપોર્ટ અનુસાર, KGF ચેપ્ટર 2 ઉત્તરમાં 4400 સ્ક્રીન્સમાં રિલીઝ કરવામાં આવ્યું હતું. દક્ષિણ ભારતમાં તે 2600 સ્ક્રીન્સ પર રિલીઝ થશે. વિદેશમાં હિન્દી ભાષામાં KGF 2 1100 સ્ક્રીન પર રિલીઝ થશે.
ઉપરાંત, KGF 2 અન્ય ભાષાઓમાં 2900 થી વધુ સ્ક્રીન પર રિલીઝ થશે. અહેવાલોના આધારે, KGF 2 એકમાત્ર એવી ફિલ્મ છે જેને કોરોના રોગચાળા પછી સૌથી વધુ સ્ક્રીન રિલીઝ થઈ છે.
