ક્રિકેટની પીચ સિવાય અભિનયમાં પણ હાથ અજમાવી ચુક્યા છે આ ખિલાડી, બોલરથી લઈને બેટ્સમેન સુધી સામેલ

મનોરંજન અને રમતગમતની દુનિયા વચ્ચે હંમેશા ગાઢ સંબંધ રહ્યો છે. તાજેતરમાં જ ભારતીય ક્રિકેટર શિખર ધવને અભિનયની દુનિયામાં આવવાનું નક્કી કર્યું છે. આ સંદર્ભે ધવનનો થોડા મહિના પહેલા ફિલ્મ નિર્માતાઓએ સંપર્ક કર્યો હતો, જે તેમણે સ્વીકારી લીધો હતો અને હવે ફિલ્મનું શૂટિંગ પણ પૂર્ણ થઈ ગયું છે. શિખર એકમાત્ર એવો ક્રિકેટર નથી કે જેણે ક્રિકેટના મેદાન પર પોતાનો દમ દેખાડ્યા બાદ મોટા પડદા પર પોતાનો જાદુ ચલાવ્યો હોય. તેમની પહેલા પણ ઘણા ખેલાડીઓ અભિનયમાં હાથ અજમાવી ચૂક્યા છે. આવો જાણીએ આવા ખેલાડીઓ વિશે

મહેન્દ્ર સિંહ ધોની

ભારતના પૂર્વ ક્રિકેટર મહેન્દ્ર સિંહ ધોની ટૂંક સમયમાં તમિલ ફિલ્મ ઈન્ડસ્ટ્રીમાં એન્ટ્રી કરવા જઈ રહ્યા છે. જો અહેવાલોનું માનીએ તો ધોનીએ અભિનેત્રી નયનથારા સાથે તેની પ્રથમ ફિલ્મ માટે હાથ મિલાવ્યા છે. ફિલ્મમાં નયનતારા મુખ્ય ભૂમિકા ભજવશે. ધોની તમિલ ફિલ્મોનું નિર્માણ કરશે અને સંજય પણ આમાં તેની સાથે હશે.

હરભજન સિંહ

ભારતના શ્રેષ્ઠ સ્પિનરોમાંથી એક હરભજન સિંહ પણ મોટા પડદા પર દેખાયો છે. ભજ્જીએ સાઉથની ફિલ્મમાં કામ કર્યું છે. તેમની પ્રથમ ફિલ્મ ‘ફ્રેન્ડશિપ’ હતી, જે વર્ષ 2021માં તમિલ ભાષામાં રીમેક કરવામાં આવી હતી.

ડ્વેન બ્રાવો

વેસ્ટ ઈન્ડિઝના પ્રખ્યાત ક્રિકેટર ડ્વેન બ્રાવોએ પણ ભારતીય સિનેમામાં કામ કર્યું છે. તેણે તમિલ ફિલ્મ ‘ચિથિરામ પેસુથડી 2’માં સ્પેશિયલ ડાન્સ નંબર કર્યો હતો.

એસ. શ્રીસંત

ભારતીય ક્રિકેટ ટીમના ભૂતપૂર્વ ફાસ્ટ બોલર એસ. શ્રીસંત સાઉથની ફિલ્મમાં પણ જોવા મળ્યો છે. અભિનેતાએ દક્ષિણ ભારતીય ફિલ્મ ‘ટીમ-5’માં નિક્કી ગલરાની સાથે મુખ્ય ભૂમિકા ભજવી હતી. શ્રીસંતની આ પહેલી ફિલ્મ વર્ષ 2017માં મલયાલમ, તમિલ અને તેલુગુ ભાષાઓમાં રિલીઝ થઈ હતી.

ઈરફાન પઠાણ

‘કોબરા’ એક તમિલ ફિલ્મ છે, જે ટૂંક સમયમાં રિલીઝ થવા જઈ રહી છે. આમાં દક્ષિણ ભારતીય સુપરસ્ટાર વિક્રમ પણ જોવા મળશે. આ ફિલ્મ દ્વારા પૂર્વ ભારતીય ફાસ્ટ બોલર અને ઓલરાઉન્ડર ઈરફાન પઠાણ એક્ટિંગની દુનિયામાં પગ મુકી રહ્યો છે.