આટલા કરોડની માલકીન છે દયાબેન, કુલ સંપત્તિ સાંભળીને તમે પણ કહેશો હે માઁ માતાજી
ટેલિવિઝનનો લોકપ્રિય કોમેડી શો તારક મહેતા કા ઉલ્ટા ચશ્મા દર્શકોમાં ખૂબ જ લોકપ્રિય છે. આ શો 2008થી દર્શકોના દિલ પર રાજ કરી રહ્યો છે. તારક મહેતા કા ઉલ્ટા ચશ્મામાં દરેક પાત્ર પોતાનામાં ખાસ છે. જેઠાલાલ, ચંપક ચાચા, આત્મારામ ભીડે, બબીતા જી, પોપટલાલ કે ટપ્પુ સેના આ તમામ પાત્રોની શોમાં એક અલગ ઓળખ છે. આ શોમાં એક પાત્ર એવું પણ છે, જેની ઈમેજ દર્શકોના દિલમાં એવી બની ગઈ છે કે તે ભૂલી નથી શકતી અને તે છે દયાબેન.
શોના આટલા વર્ષો પછી પણ દર્શકો દયાબેનને એટલો જ પ્રેમ આપે છે. જો કે પ્રસૂતિ રજા પછી દયાબેન હજુ સુધી શોમાં પાછા નથી આવ્યા, પરંતુ તેમની લોકપ્રિયતા પર કોઈ અસર થઈ નથી. આજે અમે તમને દયાબેનની સંપત્તિ વિશે જણાવવા જઈ રહ્યા છીએ, જેને સાંભળીને તમે પણ ‘ઓ માતાજી’ કહેવા લાગશો.
સમાચાર મુજબ દયાબેન એટલે કે દિશા વાકાણીની સંપત્તિ કરોડોમાં છે. તારક મહેતા કા ઉલ્ટા ચશ્માના દરેક એપિસોડ માટે, દિશાને 1 થી 1.5 લાખ રૂપિયા આપવામાં આવ્યા હતા અને વર્ષ 2017 માં તેને દર મહિને લગભગ 20 લાખ રૂપિયા આપવામાં આવ્યા હતા. આજે દિશા 37 કરોડની માલિક છે. રિપોર્ટ્સ અનુસાર, તે BMW જેવા વાહનો ચલાવે છે.
દિશા વાકાણી ગ્રેજ્યુએટ અને થિયેટર આર્ટિસ્ટ છે. તેણે વર્ષ 2015માં બિઝનેસમેન મયુર પડિયા સાથે લગ્ન કર્યા હતા. 2017માં દિશાએ દીકરીને જન્મ આપ્યો હતો. આ શો સિવાય દિશાએ બોલિવૂડની ઘણી ફિલ્મોમાં પણ કામ કર્યું છે. જેમાં દેવદાસ, મંગલ પાંડે, જોધા અકબર અને અન્ય ફિલ્મોનો સમાવેશ થાય છે.
હાલમાં જ દિશાએ સોશિયલ મીડિયા પર પોતાનો એક ફોટો અપલોડ કર્યો હતો, જેને જોઈને એવું લાગી રહ્યું હતું કે તે શોમાં પરત ફરશે. આ તસવીરમાં દિશા તેના ઓનસ્ક્રીન ભાઈ સુંદરલાલ સાથે હોળી રમતી જોવા મળી રહી છે. તેના કેપ્શનમાં તેણે લખ્યું- હોળી આવી રહી છે. ફોટો જોઈને ચાહકોને આશા છે કે તે શોમાં પાછી ફરી રહી છે.
