આ સુપરહિટ ફિલ્મોને રિજેક્ટ કરી ચુક્યા છે શાહિદ કપૂર, લિસ્ટ જોઈને ચોંકી જશો તમે
બોલિવૂડ એક્ટર શાહિદ કપૂર ટૂંક સમયમાં જર્સી ફિલ્મમાં જોવા મળશે. આ ફિલ્મથી શાહિદ ત્રણ વર્ષ બાદ મોટા પડદા પર પરત ફરી રહ્યો છે. શાહિદની પાછલી ફિલ્મ કબીર સિંહ બોક્સ ઓફિસ પર જોરદાર હિટ રહી હતી. આ ફિલ્મે બોક્સ ઓફિસ પર કમાણીના ઘણા રેકોર્ડ તોડ્યા હતા. શાહિદે પોતાના ફિલ્મી કરિયરમાં ઘણી હિટ ફિલ્મો આપી છે. આજે આપણે શાહિદની હિટ ફિલ્મો વિશે નહીં પરંતુ તે ફિલ્મો વિશે વાત કરીશું જેને શાહિદે નકારી કાઢી હતી અને પછીથી આ ફિલ્મો બોક્સ ઓફિસ પર મોટી હિટ સાબિત થઈ હતી. ચાલો જાણી લઈએ આખું લિસ્ટ
બેંગ બેંગ
રિતિક રોશનની આ ફિલ્મ બોક્સ ઓફિસ પર જબરદસ્ત હિટ સાબિત થઈ હતી. આ ફિલ્મમાં તેની શાનદાર એક્શને દર્શકોના દિલ જીતી લીધા હતા. આ ફિલ્મે બોક્સ ઓફિસ પર 181 કરોડનો બિઝનેસ કર્યો હતો. તમને જાણીને નવાઈ લાગશે કે આ ફિલ્મ પહેલા શાહિદ કપૂરને ઓફર કરવામાં આવી હતી, પરંતુ શાહિદે આ ફિલ્મ ફગાવી દીધી હતી. બાદમાં આ ફિલ્મ રિતિક પાસે ગઈ.
રાંઝણા
અભિનેતા ધનુષની રાંઝણા આ યાદીમાં બીજા નંબરે છે. લોકોને આ ફિલ્મ ખૂબ પસંદ આવી. તેને બોક્સ ઓફિસ પર સારો પ્રતિસાદ પણ મળ્યો હતો, પરંતુ બહુ ઓછા લોકો જાણતા હશે કે બોલિવૂડમાં ધનુષની ડેબ્યૂ ફિલ્મ અગાઉ શાહિદ કપૂરને મળી હતી. જોકે શાહિદે કોઈ કારણસર આ ફિલ્મમાં કામ કરવાની ના પાડી દીધી હતી
રંગ દે બસંતી
આમિર ખાનની આ ફિલ્મ મોટી બ્લોકબસ્ટર રહી હતી. લોકો હજુ પણ આ ફિલ્મ વિશે વાત કરે છે. આ ફિલ્મમાં અભિનેતા સિદ્ધાર્થના રોલ માટે શાહિદ પહેલી પસંદ હતો પરંતુ તેણે આ ફિલ્મને પણ નકારી કાઢી હતી.
રોકસ્ટાર
રોકસ્ટાર રણબીર કપૂરના કરિયરની સુપરહિટ ફિલ્મોમાંથી એક છે. આ ફિલ્મથી રણબીરના કરિયરને નવી ઉડાન મળી. કહેવાય છે કે આ ફિલ્મ પહેલા શાહિદ કપૂરને ઓફર કરવામાં આવી હતી પરંતુ તેણે આ ફિલ્મને બદલે જબ વી મેટ પસંદ કરી હતી. જોકે બંને ફિલ્મો બોક્સ ઓફિસ પર સુપરહિટ રહી હતી.
શુદ્ધ દેશી રોમાંસ
યશરાજ પ્રોડક્શનમાં બનેલી આ ફિલ્મ લોકોને પસંદ પડી હતી. આ ફિલ્મ માટે અભિનેતા સુશાંત સિંહ રાજપૂતની ખૂબ પ્રશંસા કરવામાં આવી હતી. જણાવી દઈએ કે આ ફિલ્મમાં શાહિદ કપૂરને કાસ્ટ કરવાની તૈયારી ચાલી રહી હતી પરંતુ તેણે આ ફિલ્મમાં કામ કરવાની ના પાડી દીધી હતી.