IPLમાં ફરી કોરોનાનો ખતરો, દિલ્હીની ટીમમાં વધુ 2 ખેલાડી પોઝિટિવ..
સમગ્ર વિશ્વમાં ફરી એકવાર કોરોના વાયરસનો ખતરો જોવા મળી રહ્યો છે. ભારતમાં ફરી એકવાર કોરોનાના કેસ ઝડપથી વધી રહ્યા છે. તેની અસર વિશ્વની સૌથી મોટી લીગ IPL પર પણ જોવા મળી શકે છે. હકીકતમાં, તાજેતરમાં જ દિલ્હી કેપિટલ્સ ટીમના કેમ્પમાં કોરોનાનો એક કેસ જોવા મળ્યો હતો, જે પછી હવે એક નવો તણાવ સામે આવ્યો છે.
તાજેતરમાં IPL 2022માં કોરોના વાયરસનો નવો કોવિડ કેસ જોવા મળ્યો હતો. દિલ્હી કેપિટલ્સના ફિઝિયો પેટ્રિક ફરહાર્ટ કોવિડ-19 ટેસ્ટમાં પોઝિટિવ આવ્યા હતા, ત્યારપછી સોમવારે આખી ટીમને તેમની હોટલમાં ક્વોરેન્ટાઈન કરવામાં આવી છે. રિપોર્ટ અનુસાર, પેટ્રિક બાદ હવે દિલ્હીનો અન્ય એક ખેલાડી કોરોના ટેસ્ટમાં પોઝિટિવ આવ્યો છે. દિલ્હીની ટીમની આગામી મેચ પુણેમાં પંજાબ કિંગ્સ સામે થવાની છે. પરંતુ તે પહેલા ટીમ આજે એટલે કે સોમવારે પુણે જવા રવાના થઈ હતી. જો કે, તે પહેલા તેમને હોટલમાં જ રોકી દેવામાં આવ્યા છે અને હવે તમામ ખેલાડીઓનો બે દિવસ સુધી કોરોના ટેસ્ટ કરવામાં આવશે. રિપોર્ટ આવ્યા બાદ મેચ અંગે કોઈપણ નિર્ણય લેવાનો રહેશે.
વાસ્તવમાં, થોડા દિવસો પહેલા, દિલ્હી કેપિટલ્સના ફિઝિયો પેટ્રિક ફરહાર્ટ કોવિડ -19 ટેસ્ટમાં પોઝિટિવ મળી આવ્યા હતા. ભારતીય ક્રિકેટ ટીમના ભૂતપૂર્વ ફિઝિયો ફરહાર્ટ વિશે નિવેદનમાં કહેવામાં આવ્યું છે કે, “દિલ્હી કેપિટલ્સના ફિઝિયો પેટ્રિક ફરહાર્ટ કોવિડ-19 પોઝિટિવ હોવાનું જાણવા મળ્યું છે. દિલ્હી કેપિટલ્સની મેડિકલ ટીમ આ સમયે તેની સંભાળ લઈ રહી છે.
સોમવારે દિલ્હીની ટીમ પુણે જવાની હતી. દિલ્હીની ટીમ 20 એપ્રિલે પુણેમાં પંજાબ કિંગ્સ સામે તેની મેચ રમવા જઈ રહી હતી. પરંતુ તે પહેલા જ દિલ્હીની ટીમ મુશ્કેલીનો સામનો કરી રહી છે. તમને જણાવી દઈએ કે IPL ની છેલ્લી સીઝન ભારતમાં જ યોજાઈ હતી, પરંતુ કોરોનાના વધતા જતા કેસોને કારણે તેને યુએઈમાં શિફ્ટ કરવામાં આવી હતી.
