પરસેવા અને કાળઝાળ ગરમીની સૌથી ખરાબ અસર થાય છે સ્કિન પર, તો આ સમયે તમે ફોલો કરો આ ટિપ્સ અને સ્કિનને રાખો ચમકતી

ઉનાળાની ઋતુ ઘણી રીતે જુદી હોય છે. આ ઋતુમાં ગરમીને કારણે લોકોના ચહેરાની ત્વચા ટોન થવા લાગે છે, જેના પર થોડું ધ્યાન આપવાની જરૂર છે. ઉનાળામાં, આપણી ત્વચા નિર્જીવ અને કાળી થઈ જાય છે. આવી સ્થિતિમાં, તમારે તમારા ચહેરાની યોગ્ય કાળજી લેવાની જરૂર છે. ઉનાળામાં, તમારા ચહેરા પર પિમ્પલ્સ, ફ્રીકલ્સ અને ટેનિંગની સમસ્યાઓ સામાન્ય બની જાય છે. સખત તડકો, ગરમ પવન અને આપણી જીવનશૈલી આના મુખ્ય કારણો છે. જો તમારે આવી બધી સમસ્યાઓથી બચવું હોય તો દરરોજ પુષ્કળ પાણી પીવું જોઈએ. તેની સાથે વધારે પ્રમાણમાં જંક ફૂડનું સેવન ન કરો. આ સિવાય પણ ઘણા ઉપાયો છે જેની મદદથી તમે ઉનાળાના દિવસોમાં પણ તમારી ત્વચાને બેદાગ અને ગ્લોઈંગ બનાવી શકો.

ઉનાળામાં તમારે તમારી ત્વચા સાફ કરવાની ખાસ કાળજી લેવી જોઈએ. સ્વચ્છતાના અભાવને કારણે, તમારા ચેહરા પર ઘણી સમસ્યા થવા લાગે છે. ઉનાળામાં, ડિહાઇડ્રેશનની સમસ્યા મોટાભાગના લોકોમાં પાણીના અભાવને કારણે વધે છે. આ કારણે માથાનો દુખાવો અને ચક્કર આવવાની સમસ્યા વધે છે.

ડિહાઇડ્રેશનના કારણે તમારી ત્વચા ગ્લો રહેતી નથી. ઉનાળાની ઋતુમાં તમારે દિવસ દરમિયાન ઓછામાં ઓછા દસ ગ્લાસ સાદું પાણી પીવું જોઈએ. જે લોકો ચા અથવા કોફી પીતા હોય છે, તેઓએ સાદા પાણીની માત્રા કરતા ત્રણ ગણું વધુ પીવું જોઈએ. ઉનાળામાં કોઈ પણ વ્યક્તિને મેકઅપ દૂર કર્યા વગર ક્યારેય સૂવું જોઈએ નહીં.

સૂતા પહેલા તમારે તમારો મેકઅપ કાઢો. ચેહરા પર મેકઅપ રહી જાય અને તમે સુઈ જાવ તો તમારી ત્વચાની ઉપરની સપાટી પર ગંદકીનું સ્તર જામી જાય છે. આ સ્તર ખરેખર તમારા ચહેરા પર પિમ્પલ્સનું સૌથી મોટું કારણ છે. આનાથી તમારા ચહેરા પર ફ્રીકલ્સ અને પિગમેન્ટેશન થાય છે, એટલે કે તમારી ત્વચાનો રંગ ખરાબ થઈ જાય છે.

ઉનાળામાં ત્વચાને મોઇશ્ચરાઇઝ રાખવી જરૂરી છે. કારણ કે જો તમારી ત્વચા શુષ્ક અને નિર્જીવ છે, તો તે વધુ નુકસાન કરશે. પ્રદુષણ અને સૂર્યના તીવ્ર કિરણો શુષ્ક ત્વચા પર સૌથી ખરાબ અસર કરે છે. તેથી બહાર જતા પહેલાં સનસ્ક્રીનનો ઉપયોગ કરવાનું ભૂલશો નહીં. ચહેરાને સાફ રાખવા માટે હળવા ક્લીન્સરનો ઉપયોગ કરવો જોઈએ.

શુષ્ક, નિર્જીવ ત્વચામાંથી છુટકારો મેળવવા માટે સ્ક્રબ જરૂરી છે. સ્ક્રબ ત્વચાના મૃત કોષોને દૂર કરે છે. તેથી ઉનાળાના દિવસોમાં ત્વચાને બેદાગ બનાવવા માટે સ્ક્રબનો ઉપયોગ કરવો જરૂરી છે.

ઉનાળામાં પુષ્કળ પાણી પીવાની સાથે હળવા અને પૌષ્ટિક ખોરાક ખાવાની સલાહ આપવામાં આવે છે. તમારી ત્વચાને હાઇડ્રેટ રાખવા માટે તાજા ફળો અને લીલા શાકભાજી ખાઓ. તમારા આહારમાં શાકભાજી અને ફળોનો સમાવેશ કરો જેમ કે કાકડી, કરેલા, પાલક, તરબૂચ, નારંગી, ચેરી, પ્લમ અને લીચી જેવા ફાળો અને શાકભાજી તમારી સુંદરતામાં વધારો કરી શકે છે.

એલોવેરા જેલ તમારી ત્વચાને સુંદર બનાવવા માટે ખુબ જ ઉપયોગી છે. તે તમારી શુષ્ક ત્વચા અને પિમ્પલ્સની બળતરા દૂર કરે છે તે સનબર્ન અને ત્વચા પર થતી ફોલ્લીઓની સમસ્યા પણ દૂર કરે છે. ઉનાળાના દિવસોમાં તમારી ત્વચાને કોઈપણ સમસ્યાથી બચાવવા માટે દરરોજ એલોવેરા જેલથી તમારા ચેહરા પર મસાજ કરો અને થોડા સમય પછી તમારો ચેહરો ઠંડા પાણીથી ધોઈ લો. આ ઉપાયનો બીજો ફાયદો એ છે કે આ ઉપાયથી કોઈપણ નુકસાન નહીં થાય માત્ર ફાયદો જ થશે.

અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.

વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.

નોંધ –

આ વેબસાઈટ પર આપેલા નુસખા, આયુર્વેદ તથા નેચરલ પધ્ધતિઓ, ફીટનેસ ટિપ્સ તથા કસરત વગેરે દરેક બાબતો દરેક વ્યક્તિની તાસીર અનુસાર કામ કરે છે. કોઈ એક વ્યક્તિને થયેલ ફાયદો કે નુક્સાન બધાને જ થાશે એવું માનવું જોઈએ નહીં. તમારા ડોક્ટરને મળીને અથવા પૂછીને જ કોઈ પણ પ્રયોગ અપનાવવો જોઈએ. મોટા ભાગના આવા પ્રયોગો નિર્દોષ હોય છે. પણ, ક્યારેક તાસીર અનુસાર તકલીફ પણ પડી શકે.

આપણું પેજ “હેલ્થ ગુજરાત” માણતા રહો અને શેર કરતા રહો!

આપના સહકારની આશા સહ,

ટીમ હેલ્થ ગુજરાત