ખોટી આશા ન રાખતા કારણ કે અત્યારે કોઈ જ રાહત નથી મળે! આવતીકાલે પણ પેટ્રોલ-ડીઝલના ભાવ વધશે, જાણો કેટલો
પેટ્રોલ અને ડીઝલના ભાવમાં સતત વધારો થઈ રહ્યો છે. બે દિવસ સુધી સતત 80 પૈસાના વધારા બાદ આવતીકાલે એટલે કે શુક્રવારે ફરીથી પેટ્રોલ અને ડીઝલના ભાવમાં 80 પૈસાનો વધારો થશે. આ નવી કિંમતો શુક્રવારે સવારે 6 વાગ્યાથી લાગુ થશે.
જાહેર ક્ષેત્રની પેટ્રોલિયમ માર્કેટિંગ કંપનીઓ દ્વારા જારી કરાયેલા પ્રાઇસ નોટિફિકેશન મુજબ, શુક્રવારે રાષ્ટ્રીય રાજધાની દિલ્હીમાં પેટ્રોલની કિંમત 97.01 રૂપિયા પ્રતિ લિટરથી વધીને 97.81 રૂપિયા પ્રતિ લિટર થઈ ગઈ છે. તે જ સમયે, ડીઝલની કિંમત 88.27 રૂપિયા પ્રતિ લિટરથી વધીને 89.07 રૂપિયા થઈ ગઈ છે.
તમને જણાવી દઈએ કે છેલ્લા બે દિવસમાં પેટ્રોલ અને ડીઝલના ભાવમાં 1.60 રૂપિયાનો વધારો થયો છે. હવે ત્રીજી વખત 80 પૈસાના વધારા બાદ પેટ્રોલ અને ડીઝલના ભાવમાં પ્રતિ લીટર 2.40 રૂપિયાનો વધારો થશે.
નોંધનીય છે કે આજે એટલે કે ગુરુવારે પણ ભાવમાં કોઈ વધારો થયો નથી. આ પહેલા 22 માર્ચ અને 23 માર્ચે પેટ્રોલ અને ડીઝલના ભાવમાં સતત 80 પૈસાનો વધારો કરવામાં આવ્યો હતો.
