લગ્નના સમાચાર વચ્ચે રણબીર કપૂર અને આલિયા ભટ્ટની લગ્નની તસવીરો સામે આવી, શું છાનામાના સાત ફેરા ફરી લીધા?
બોલિવૂડ સ્ટાર્સ રણબીર કપૂર અને આલિયા ભટ્ટ આ દિવસોમાં તેમના લગ્નને લઈને ચર્ચામાં છે. આ દરમિયાન સોશિયલ મીડિયા પર કપલની કેટલીક લેટેસ્ટ તસવીરો સામે આવી છે, જે ઝડપથી વાયરલ થઈ રહી છે. ખાસ વાત એ છે કે રણબીર આલિયાની આ તસવીરો સામે આવતાં જ ચર્ચામાં આવી રહી છે કે શું તેણે સિક્રેટ વેડિંગ કર્યા છે.
આ વાયરલ તસવીરોમાં રણબીર કપૂર અને આલિયા ભટ્ટ એકબીજા સાથે હસતાં અને પોઝ આપતાં જોવા મળે છે. આ સાથે તેમના ગળામાં ફૂલોની માળા અને કપાળ પર ચંદન જોવા મળે છે. રણબીર કપૂર અને આલિયા ભટ્ટની આ સ્ટાઇલ ફેન્સને ખૂબ જ પસંદ આવી રહી છે.
જો કે તમને જણાવી દઈએ કે રણબીર કપૂર અને આલિયા ભટ્ટે લગ્ન નથી કર્યા, પરંતુ તેઓએ તેમની આગામી ફિલ્મ ‘બ્રહ્માસ્ત્ર’નું શૂટિંગ પૂર્ણ કરી લીધું છે. ‘બ્રહ્માસ્ત્ર’ના સમાપન પછી, બંને ફિલ્મ નિર્માતા અને તેમના ખાસ મિત્ર અયાન મુખર્જીની સાથે બનારસના મંદિરમાં માથું નમાવવા વારાણસી પહોંચ્યા. બંનેની આ તસવીરો આ દરમિયાન લેવામાં આવી હતી.
આલિયાએ ફિલ્મ રૈપ કી ખુશીનો એક વીડિયો શેર કર્યો છે, જેમાં તે રણબીર કપૂર સાથે જોવા મળી રહી છે. આ દરમિયાન બંનેનો રોમેન્ટિક અંદાજ જોવા મળે છે. આલિયા અને રણબીરની મોસ્ટ અવેટેડ ફિલ્મ બ્રહ્માસ્ત્રનું શૂટિંગ આખરે પાંચ વર્ષ પછી પૂર્ણ થયું છે.
View this post on Instagram
તે જ સમયે, અયાન મુખર્જીએ પણ તસવીરો શેર કરી અને લખ્યું, ‘અને છેલ્લે… ઇટ્સ અ રૈપ! 5 વર્ષ પહેલા જ્યારે અમે બ્રહ્માસ્ત્ર પર અમારો પહેલો શોટ લીધો હતો અને હવે અમે આખરે અમારો છેલ્લો શૉટ કર્યો છે! એકદમ અકલ્પનીય, પડકારજનક, જીવનભરની સફર!!!’
જ્યારે રીમા જૈનને રણબીર અને આલિયાના લગ્નની તારીખ વિશે પૂછવામાં આવ્યું તો તેણે કહ્યું કે બંને હજી લગ્ન નથી કરી રહ્યા. રીમા જૈને કહ્યું કે, “મારી પાસે હજુ સુધી આ અંગે કોઈ માહિતી નથી. બંને લગ્ન કરશે, પરંતુ ક્યારે કરશે તે ખબર નથી. જ્યારે બંને લગ્ન કરવાનું નક્કી કરશે ત્યારે બધાને ખબર પડશે.”