રાજકોટમાં કારવાળો પણ ગજબ ભિખારી જેવો નીકળ્યો, પેટ્રોલ ભરાવવા આવ્યો અને પૈસા દીધા વગરનો ભાગી ગયો, જાણો આખો મામલો

આજના સમયમાં પેટ્રોલ-ડીઝલ સૌથી કિંમતી વસ્તુ બની ગઈ છે, જે મુજબ પેટ્રોલ અને ડીઝલના ભાવમાં ઉછાળો જોવા મળી રહ્યો છે. આવી સ્થિતિમાં, એવું લાગે છે કે તમામ પેટ્રોલ પંપને Z રક્ષણ આપવું જોઈએ. જો કે તેની પાછળ બીજું કારણ પણ છે. આ દિવસોમાં કેટલીક એવી ઘટનાઓ જોવા મળી છે કે કેટલાક અસામાજિક તત્વો મોટાભાગે રાત્રિના સમયે પેટ્રોલ પંપ પર આવે છે અને તેમની કારની ટાંકી ભર્યા પછી પૈસા આપ્યા વિના ભાગી જાય છે.

આવો જ એક કિસ્સો રાજકોટમાં જોવા મળ્યો હતો જ્યાં એક વ્યક્તિ પોતાની કારમાં પેટ્રોલ ભરાવીને પૈસા આપ્યા વગર ભાગી ગયો હતો. રાજકોટના જેતપુરના સાંકળી ગામ પાસે જેતપુર-જૂનાગઢ હાઈવે પર આવેલા ન્યારા પેટ્રોલ પંપ પર કારનો ચાલક પેટ્રોલ આપ્યા વગર નાસી છૂટ્યો હતો. પેટ્રોલ પંપના માલિકે કાર ચાલકને રોકવાનો પ્રયાસ કર્યો હતો પરંતુ કાર ચાલક તેજ ગતિએ ભાગી ગયો હતો. આ સમગ્ર ઘટના પંપના સીસીટીવી કેમેરામાં કેદ થઈ ગઈ હતી.

તમને જણાવી દઈએ કે થોડા સમય પહેલા આવી જ એક ઘટના ગુજરાતના વલસાડમાં જોવા મળી હતી જ્યાં એક કારના માલિકે એક વાર નહીં પરંતુ છ વખત આવું જ કર્યું હતું. જોકે, પેટ્રોલ પંપના માલિકોની ફરિયાદના આધારે પોલીસે આરોપીને કસ્ટડીમાં લીધો હતો.