રેડ વાઇન માત્ર પીવા માટે જ નહિ પરંતુ, વાળ માટે પણ છે લાભદાયી, વાંચો આ લેખ અને જાણો…
જોકે દારૂ પીવો સ્વાસ્થ્ય માટે હાનિકારક છે. ઘણા લોકો ને રેડ વાઇન ગમે છે પરંતુ, યોગ્ય માત્રામાં રેડ વાઇન પીવાથી ઘણા સ્વાસ્થ્ય લાભો છે. તેનાથી હૃદયરોગનું જોખમ પણ ઘટે છે. રેડ વાઇન માત્ર સ્વાસ્થ્ય માટે જ નહીં પરંતુ ત્વચા અને વાળ માટે પણ ખૂબ ફાયદાકારક છે.
વાળને સ્વસ્થ રાખવા માટે આપણે શું નથી કરતા. ક્યારેક તમે મહેંદી લગાવો છો, ક્યારેક ડુંગળીનો રસ અને ક્યારેક નાળિયેર તેલ લગાવો છો. પરંતુ વાળની ઘણી સમસ્યાઓ દૂર કરવા માટે રેડ વાઇન પણ લગાવી શકાય છે. હા, રેડ વાઇનમાં રિસેવેરાટ્રોલ હોય છે, જે વાળ ખરવા, પાતળા અને નબળા વાળ વગેરે જેવી વાળની સમસ્યાઓની સારવાર કરવામાં મદદ કરી શકે છે. શું તમે જાણો છો કે વાળ માટે રેડ વાઇનનો ઉપયોગ કેવી રીતે થાય છે ? જો નહીં, તો તેના વિષે આ લેખ દ્વારા જાણો.
માથાની ચામડીમાં ખંજવાળ :
જો તમારી ખોપરી પર ખંજવાળ હોય તો અડધો કપ રેડ વાઇન લો અને તેમાં બે ચમચી દળેલું લસણ ઉમેરો અને રાતોરાત છોડી દો. આ પેસ્ટ ને બીજા દિવસે સવારે સ્કેલ્પ અને વાળમાં લગાવો. દિવસમાં બે વાર આમ કરવાથી માથામાં ખંજવાળ આવવાથી રાહત મળશે.
ડેન્ડ્રફ દૂર કરવા માટે રેડ વાઇન :
જો તમારા માથામાંથી કોઈ પણ રીતે ડેન્ડ્રફ નથી જતો તો તમારે એક કપ રેડ વાઇનમાં એક કપ પાણી ઉમેરી વાળ અને ખોપરી પર મસાજ કરવું જોઈએ. મસાજ પછી વાળને શાવર કેપ અને શેમ્પૂથી અડધા કલાક પછી ધોઈ લો. અઠવાડિયામાં બે વાર આવું કરો. તેનાથી વાળમાં રહેલો ખોડો દુર થાય છે.
વાળ ખરવાની સમસ્યા :
જો તમે વાળ ગુમાવી રહ્યા છો, તો તેની સારવાર કરવાની જરૂર છે. કારણ કે વાળ ખરવાથી ટાલ પડી શકે છે. વાળ ખરતા અટકાવવા માટે સીધા વાળ અને માથાની ચામડી પર એક કપ રેડ વાઇન લગાવો. ત્યારબાદ હળવા હાથે મસાજ કરો અને પછી દસ થી પંદર મિનિટ માટે રહેવા દો. પછી હળવા શેમ્પૂ થી વાળ ધોઈ લો.
હેર ગ્રોથ માટે રેડ વાઇન :
જો વાળ નો વિકાસ બંધ થઈ ગયો હોય તો બે ઇંડા ને ફેંટી લો અને તેમાં બે ચમચી નાળિયેર તેલ અને ઓલિવ ઓઇલ ઉમેરો અને ફરીથી ફેંટો. ત્યારબાદ તેમાં રેડ વાઇન ઉમેરીને મિશ્રણ બનાવો. હવે આ મિશ્રણ ને વાળ પર લગાવો અને વાળ ને અડધો કલાક રહેવા દો. અને પછી વાળમાં શેમ્પૂ કરો. અઠવાડિયામાં એકવાર આવું કરો.