બોયફ્રેન્ડ સાથે ખુલ્લેઆમ કોઝી થઇ સલમાન ખાનની એક્ટ્રેસ, લોકોએ પૂછ્યું- ‘કોણ છે આ છોકરો’

બોલીવુડની બીજી કેટરિના કૈફ કહેવાતી ઝરીન ખાન હાલમાં જ તેના બોયફ્રેન્ડ સાથે જોવા મળી હતી. આ દરમિયાન અભિનેત્રીએ મીડિયા સામે ઘણા પોઝ આપ્યા હતા. બંનેની તસવીરો સોશિયલ મીડિયા પર ઝડપથી વાયરલ થઈ રહી છે. હવે લોકો ઝરીન ખાનના આ વીડિયો પર જોરદાર કમેન્ટ કરતા જોવા મળી રહ્યા છે.

ઝરીન ખાન બોયફ્રેન્ડ સાથે કોઝી થઇ

બોલિવૂડની સુંદર અભિનેત્રી ઝરીન ખાન તેના બોયફ્રેન્ડ શિવાશીષ મિશ્રા સાથે બાંદ્રામાં ટોરી રેસ્ટોરન્ટની બહાર જોવા મળી હતી. આ દરમિયાન એક્ટ્રેસે બ્લેક એન્ડ વ્હાઇટ સ્ટ્રાઇપ ડ્રેસ પહેર્યો હતો, જેમાં તે શાનદાર લાગી રહી હતી. બીજી તરફ તેના બોયફ્રેન્ડે પણ બ્લેક એન્ડ વ્હાઈટ શર્ટ પહેર્યું હતું. બંનેએ કેમેરા સામે રોમેન્ટિક પોઝ પણ આપ્યા હતા.

ઝરીન અને શિવાશીષ

તમને જણાવી દઈએ કે ઝરીન જેને ડેટ કરી રહી છે તે ‘બિગ બોસ 12’માં જોવા મળ્યો હતો અને તેનું નામ શિવાશીષ મિશ્રા છે. તે એક સામાન્ય વ્યક્તિ તરીકે શોમાં પહોંચ્યો હતો. જો કે, તે આ શોમાં કંઈ ખાસ કરી શક્યો ન હતો, તેથી તે ટૂંક સમયમાં બહાર નીકળી ગયો. બિગ બોસનો હિસ્સો બન્યા બાદ શિવાશીષ ઝરીન ખાન સાથે સંબંધમાં આવી ગયો.

કોણ છે શિવાશીષ મિશ્રા

શિવાશીષ મિશ્રા ઈન્દોરનો રહેવાસી છે. તેને નાનપણથી જ બોડી બિલ્ડીંગનો શોખ હતો, જેના કારણે તેણે પોતાનું બોડી બનાવવાનું શરૂ કર્યું અને તે પછી ‘મિસ્ટર ઈન્દોર’ અને ‘મિસ્ટર મધ્યપ્રદેશ’નો ખિતાબ જીત્યો. પોતાના ફિટ બોડીના કારણે શિવાશીષ પ્રોફેશનલ મોડલ બની ગયો. આ સિવાય તેણે એક્ટિંગમાં પણ હાથ અજમાવ્યો હતો. શિવાશીષને 2017માં ટીવી શો ‘સંકટ મોચન હનુમાન’માં નીલનો રોલ ઑફર કરવામાં આવ્યો હતો, પરંતુ તેણે શો શરૂ થયાના થોડા દિવસો પહેલા જ શો છોડી દીધો હતો.