સાનિયા મિર્ઝા તો અઘરી નોટ નીકળી, રૂપાળું બાળક આવે એ માટે ખાધુ હતું કંઈક આવું, હવે થયો મોટો ઘટસ્ફોટ
પાકિસ્તાની ક્રિકેટર શોએબ મલિકે તેની પત્ની સાનિયા મિર્ઝાને લઈને મોટો ખુલાસો કર્યો છે. તેણે કહ્યું છે કે તેની પત્ની ભારતીય ટેનિસ ખેલાડી સાનિયા મિર્ઝાએ ગર્ભાવસ્થા દરમિયાન સફરજનનું સેવન કર્યું હતું. સાનિયાની માતાતેને દરરોજ એક સફરજન ખવડાવતા, જેથી તેનું બાળક ગોરું બને. સાનિયા અને શોએબે 2010માં લગ્ન કર્યા હતા. આ પછી, 2018 માં, સાનિયાએ તેના પ્રથમ બાળક, ઇઝાનને જન્મ આપ્યો.
શોએબ મલિકે એક ઈન્ટરવ્યુમાં સાનિયા અને પુત્ર વિશે વાત કરી હતી. તેણે કહ્યું, “મારી સાસુએ મારી પત્નીને ઘણાં સફરજન ખવડાવ્યાં હતાં. તેમના કહેવા પ્રમાણે, આ કરવાથી બાળક ગોરું બની જાય છે.” મલિકે સાનિયા સાથેની મુલાકાતની વાર્તા સંભળાવી. તેણે કહ્યું, “જ્યારે મેં પહેલીવાર સાનિયાને જોઈ ત્યારે તેણે મને કોઈ ભાવ નહોતો આપ્યો. તે પછી જ્યારે હું મળ્યો ત્યારે તેણે મારી સાથે વાત કરી. બંને પહેલી વાર 2003માં મળ્યા હતા.”
સાનિયા મિર્ઝાએ એક ઈન્ટરવ્યુમાં કહ્યું હતું કે તેને તે સમયે ક્રિકેટર્સની ઈમેજ વિશે જાણ હતી. એટલા માટે તેણે મલિકને ભાવ નહોતો આપ્યો. બંને વચ્ચે લગભગ છ વર્ષ પછી 2009માં વાતચીત શરૂ થઈ હતી. બંનેની મુલાકાત ઓસ્ટ્રેલિયાના હોબાર્ટમાં થઈ હતી. બંને વચ્ચે વાતચીત થઈ. તે પછી તેઓ સતત એકબીજાને ડેટ કરવા લાગ્યા. ત્યારબાદ 2010માં સાનિયા અને મલિકે લગ્ન કર્યા.
સાનિયાએ 2009માં તેના મિત્ર સોહરાબ સાથે સગાઈ કરી હતી, પરંતુ થોડા સમય બાદ તેનું બ્રેકઅપ થઈ ગયું હતું. સોહરાબ પછી મલિક તેના જીવનમાં આવ્યો અને પછી બંને વચ્ચે પ્રેમ કહાની શરૂ થઈ. જે બાદ બંનેએ લગ્ન કરી લીધા હતા. આઠ વર્ષ બાદ સાનિયા ગર્ભવતી બની હતી. તેણે ઓક્ટોબર 2018માં ઈઝાનને જન્મ આપ્યો હતો.
