શાહિદ કપૂરની પત્ની મીરા દુબઈમાં મિત્રો સાથે ખુબ જ એન્જોય કરી રહી છે, વિડીયો જોઈને તમને પણ દુબઈમાં એન્જોય કરવાનું મન થશે
બોલિવૂડ એક્ટર શાહિદ કપૂરની પત્ની મીરા રાજપૂત આ દિવસોમાં પરિવાર અને પતિથી દૂર મિત્રો સાથે જીવનનો આનંદ માણી રહી છે. ફિલ્મ ઝિંદગી ના મિલેગી દોબારામાં જે બન્યું હતું તે જ રીતે મીરા રાજપૂત પણ તેના કોલેજ મિત્રો સાથે દુબઈમાં જીવનનો આનંદ માણી રહી છે. જેની તસવીરો મીરા પણ સોશિયલ મીડિયા પર ફેન્સ સાથે શેર કરી રહી છે. મીરાએ મિત્રો સાથે ઘણા વિડિયો પણ શેર કર્યા છે, જે સ્પષ્ટપણે દર્શાવે છે કે તે દુબઈમાં કેટલી મસ્તી કરી રહી છે.
મીરા રાજપૂતે તાજેતરમાં દુબઈથી સ્કાય ડાઈવિંગની તસવીરો પણ શેર કરી છે. આ તસવીરો સાથે મીરાએ કેપ્શનમાં લખ્યું, ‘ઝિંદગી ના મિલેગી દોબારા!’ તસવીરોમાં સ્કાય ડાઈવિંગ દરમિયાન મીરા બંને હાથ ફેલાવતી જોવા મળે છે. મીરા સાથે સ્કાય ડાઈવિંગ ઈન્સ્ટ્રક્ટર પણ જોવા મળે છે. મીરાએ એક પછી એક ઘણી તસવીરો શેર કરી છે જેમાં તે હસતી જોવા મળી રહી છે. મીરાને જોઈને લાગે છે કે તે ઊંચાઈથી બિલકુલ ડરતી નથી.
View this post on Instagram
મીરા રાજપૂત તેના મિત્રો સેજલ કુકરેજા અને સુહાવિની સિંહ સાથે દુબઈ પહોંચી છે. આ ત્રણેય કોલેજના દિવસોના મિત્રો છે અને સાથે આવી અનેક ટ્રીપ કરી ચૂક્યા છે. જો કે, છેલ્લા 7 વર્ષથી ત્રણેય એકસાથે કોઈ પ્રવાસે જઈ શક્યા ન હતા. જેઓ હવે એક સાથે આવે ત્યારે ખૂબ જ મસ્તી કરી રહ્યા છે.