તારક મહેતા શોની માઠી બેસી ગઈ હોય એવું લાગી રહ્યું છે, શૈલેષ સોઢા બાદ હવે ટપ્પુ પણ શોને કહેશે અલવિદા
શૈલેષ લોઢા પછી, શું તારક મહેતા કા ઉલ્ટા ચશ્મામાંથી અન્ય અભિનેતાની વિદાય થવા જઈ રહી છે ? શું બધા પાત્રો એક પછી એક તારક મહેતા કા ઉલ્ટા ચશ્માથી અંતર જાળવી રહ્યા છે ? તાજેતરમાં, શૈલેષ લોઢાના શો છોડવાના સમાચાર આવતાની સાથે જ ભારે હોબાળો મચી ગયો હતો અને હવે સમાચાર એ છે કે અન્ય એક મહત્વપૂર્ણ કલાકારે શો છોડવાનું મન બનાવી લીધું છે.
અહેવાલ છે કે રાજ અનડકટ પણ તારક મહેતા કા ઉલ્ટા ચશ્માને અલવિદા કહેવા જઈ રહ્યો છે. શોમાં રાજ અનડકટ ટપ્પુની ભૂમિકા ભજવી રહ્યો છે અને તે લાંબા સમયથી કોઈ એપિસોડમાં જોવા મળ્યો નથી. આવી સ્થિતિમાં રાજ અનડકટે પણ શો છોડી દીધો છે કે કેમ તેવા સવાલો ઉઠી રહ્યા છે. હવે ખબર નથી કે આ સમાચારોમાં કેટલી સત્યતા છે, પરંતુ ટૂંક સમયમાં તેના વિશે પણ સ્થિતિ સ્પષ્ટ થશે.
તારક મહેતા કા ઉલ્ટા ચશ્મા શોના ઘણા કલાકારો આ શો છોડી ચૂક્યા છે. પછી ભલે તે સોઢીનો રોલ કરનાર ગુરચરણ સિંહ હોય, બાવરીનો રોલ કરનાર મોનિકા ભદૌરિયા હોય કે પછી આ શોમાં અંજલિ મહેતાની ભૂમિકા ભજવતી નેહા મહેતા હોય. આ સિવાય સોનુના પાત્રમાં 2 ચહેરા બદલવામાં આવ્યા છે, જ્યારે ભવ્ય ગાંધીએ ટપ્પુનું પાત્ર ભજવવાનું ચાલુ રાખ્યું હતું, પરંતુ પછી રાજ અનડકટે આ પાત્રને તેમની જગ્યાએ આગળ લીધું હતું.