યુવરાજ અને હેજલે પોતાના દીકરાના નામનો કર્યો ખુલાસો, 5 મહિના પછી બાળકની ઝલક બતાવી, જાણો તમે પણ
ભારતના ભૂતપૂર્વ ક્રિકેટર અને સિક્સર કિંગ, યુવરાજ સિંહ અને વિદેશમાં જન્મેલી બોલીવુડ અભિનેત્રી હેઝલ કીચે લગભગ પાંચ મહિના પછી તેમના પુત્રનું નામ જાહેર કર્યું છે. એટલું જ નહીં, આ પ્રખ્યાત કપલે આ વર્ષે જાન્યુઆરીમાં જન્મેલા પુત્રની પ્રથમ ઝલક પણ બતાવી છે. ભારતીય દિગ્ગજ ખેલાડીએ ફાધર્સ ડેના ખાસ અવસર પર તેના ટ્વિટર એકાઉન્ટ પર એક ખાસ પોસ્ટ દ્વારા તેના પુત્રનું નામ ચાહકો સાથે શેર કર્યું છે.
Welcome to the world 𝗢𝗿𝗶𝗼𝗻 𝗞𝗲𝗲𝗰𝗵 𝗦𝗶𝗻𝗴𝗵 ❤️. Mummy and Daddy love their little “puttar”. Your eyes twinkle with every smile just as your name is written amongst the stars ✨ #HappyFathersDay @hazelkeech pic.twitter.com/a3ozeX7gtS
— Yuvraj Singh (@YUVSTRONG12) June 19, 2022
યુવરાજ સિંહે ટ્વિટર પર પોતાની અને પત્ની હેઝલ કીચ સાથે પુત્રની તસવીર શેર કરી છે. તેણે કેપ્શનમાં પોતાના પુત્રનું નામ પણ જાહેર કર્યું અને લખ્યું કે, ‘ઓરિયન કીચ સિંહ તમારું આ દુનિયામાં સ્વાગત છે. મમ્મી-પપ્પા તેમના પુત્રને ખૂબ પ્રેમ કરે છે. તમારી આંખો દરેક હાસ્ય સાથે ચમકે છે, જેમ તમારું નામ અન્ય તારાઓ સાથે ચમકે છે. હેપી ફાધર્સ ડે.
ઓરિઅન નક્ષત્રમાં એક તારો કહેવાય છે. યુવરાજે એક ઈન્ટરવ્યુમાં કહ્યું હતું કે, ‘માતા-પિતા માટે તેમનું બાળક સ્ટાર છે. જ્યારે હેઝલ ગર્ભવતી હતી અને હોસ્પિટલમાં હતી, ત્યારે હું કેટલાક એપિસોડ જોઈ રહ્યો હતો જ્યાં આ નામ મારા મગજમાં આવ્યું અને હેઝલને પણ તે ગમ્યું. તે જ સમયે, તેમના પુત્રના નામ સાથે પત્ની હેઝલ કીચની અટક ઉમેરવા પર, તેણે કહ્યું, ‘હું ઇચ્છતો હતો કે બાળકના નામ પર હેઝલનું અંતિમ નામ આવે, તેથી મારા બાળકનું નામ ઓરિયન કીચ સિંહ રાખ્યું છે.’
તમને જણાવી દઈએ કે 30 નવેમ્બર 2016ના રોજ યુવરાજ સિંહે સલમાન ખાનની ફિલ્મ બોડીગાર્ડ ફેમ હેઝલ કીચ સાથે સાત ફેરા લીધા હતા. આ પછી, આ વર્ષે 25 જાન્યુઆરીએ બંને માતાપિતા બન્યા. યુવરાજે 2019માં તેની લગભગ બે દાયકાની ક્રિકેટ કારકિર્દીનો અંત આણ્યો હતો. તેણે ભારત માટે 304 ODI, 58 T20 અને 40 ટેસ્ટ મેચ રમી છે. વનડેમાં તેના 8701 રન અને 111 વિકેટ છે. તે જ સમયે, યુવીએ T20 આંતરરાષ્ટ્રીયમાં 1177 રન સાથે 28 વિકેટ લીધી હતી. ટેસ્ટમાં પણ યુવીના બેટમાંથી 1900 રન થયા અને તેણે 9 વિકેટ લીધી.
