કેવો માણસ કહેવાય આ, 10-10ના સિક્કા ભેગા કરીને 6 લાખની ગાડી ખરીદી, વિચાર તો કરો બેંકે પણ લેવાની ના પાડી દીધી
તમિલનાડુના ધર્મપુરીમાં એક વ્યક્તિ 6 લાખની કાર લેવા માટે 10-10 રૂપિયાના સિક્કા લઈને શોરૂમમાં પહોંચ્યો હતો. તેણે કહ્યું કે આ કરીને તે લોકોને એક સંદેશ આપવા માંગે છે. આ અનોખા ખરીદનારનું નામ વેત્રીવેલ છે અને તે અરૂરનો રહેવાસી છે.
વેત્રીવેલે જણાવ્યું કે તે એક પ્રાથમિક શાળા અને પરંપરાગત દવા કેન્દ્ર ચલાવે છે. તેની માતા દુકાન ચલાવે છે. કોઈપણ ગ્રાહક જે તેની દુકાને આવે છે તે બાકીના રૂપે 10 રૂપિયાના સિક્કા લેવાનો ઇનકાર કરે છે. જેના કારણે તેની પાસે 10-10 રૂપિયાના ઘણા સિક્કા એકઠા થયા હતા.
વેત્રીવેલે જણાવ્યું કે તે પોતાની દુકાનમાં જમા કરાયેલા સિક્કા બદલવા બેંકમાં પણ ગયો હતો. પરંતુ બેંકરોએ આ સિક્કા લેવાની ના પાડી દીધી હતી. તેમણે કહ્યું કે આટલા સિક્કા ગણવા માટે બેંકમાં લોકો નથી. વેત્રીવેલે પૂછ્યું, “જ્યારે આરબીઆઈએ તેમને મૂલ્યહીન જાહેર કર્યા નથી ત્યારે બેંકો આ સિક્કાઓ સ્વીકારવાનો ઈન્કાર કેમ કરી રહી છે?”
તેણે કહ્યું કે તેના પડોશમાં એવા ઘણા બાળકો છે જે 10 રૂપિયાના સિક્કા સાથે રમે છે. જ્યારે તેમને પૂછવામાં આવે કે તેઓ આવું કેમ કરે છે? તો બાળકો કહે છે કે આ સિક્કા તેમના માતા-પિતાએ તેમને આપ્યા છે, કારણ કે તેનો કોઈ ઉપયોગ નથી.
આ પછી વેત્રીવેલ નારાજ થઈ ગયો અને તેણે એક મહિના માટે ઘણા બધા 10-10 સિક્કા ભેગા કર્યા. 6 લાખ રૂપિયાના સિક્કા ભેગા કર્યા બાદ તે તે સિક્કા લઈને કારના શોરૂમમાં ગયો હતો. તેને કાર ગમી અને તેણે શોરૂમના માલિકને સિક્કામાં પેમેન્ટ આપવા કહ્યું. પ્રથમ કારના શોરૂમના માલિકે ના પાડી. પરંતુ પાછળથી તે સંમત થયો.
વેત્રીવેલે જણાવ્યું કે તે કારમાં સિક્કા ભરીને શોરૂમમાં ગયો હતો. પેમેન્ટ માટે સિક્કાની બોરીઓ ખોલતાની સાથે જ સૌને આશ્ચર્ય થયું હતું. તેણે કહ્યું કે આ કરીને તે લોકોને બતાવવા માંગે છે કે 10 રૂપિયાના સિક્કા નકામા નથી.
