VIDEO: કેરળમાં સબ-ઇન્સ્પેક્ટર અરુણ કુમારની બહાદુરી તો જુઓ, જીવ જોખમમાં મૂકીને હુમલાખોર પાસેથી છીનવી લીધું ઘાતક હથિયાર
કેરળના અલાઝુપ્પાના એક બહાદુર પોલીસ અધિકારીની બહાદુરીની ચર્ચા દેશભરમાં જોરશોરથી ચાલી રહી છે. એટલું જ નહીં, હવે તેની બહાદુરીનો વીડિયો પણ સોશિયલ મીડિયા પર ઝડપથી વાયરલ થઈ રહ્યો છે. દેશભરના પોલીસ વિભાગોમાં તેમની ચર્ચા થઈ રહી છે કે પોતાનો જીવ જોખમમાં મૂકીને તેઓએ એક ગુનેગાર પાસેથી હથિયાર છીનવી લીધું.
જાણો સમગ્ર મામલો :
હકીકતમાં, કેરળના અલપ્પુઝા જિલ્લાના નૂરનાદ પોલીસ સ્ટેશનના સ્ટેશન હાઉસ ઓફિસર 37 વર્ષીય સબ-ઇન્સ્પેક્ટર વીઆર અરુણ કુમાર રવિવારે સાંજે લગભગ 6 વાગ્યે પોલીસ ડ્રાઇવરની સાથે પેટ્રોલિંગમાં હતા. તે જ સમયે તેણે સ્કૂટી પર એક વોન્ટેડ ગુનેગારને જોયો. સબ-ઇન્સ્પેક્ટર અરુણ કુમાર પછી ગુનેગારના સ્કૂટરની પાછળ પોલીસ જીપને રોકે છે. આ દરમિયાન ગુનેગાર સુગથાનની નજર પોલીસની કાર પર પડી. ત્યારબાદ જીપ તેની સામે આવતાની સાથે જ તેણે સ્કૂટર પર રાખેલી બેગમાંથી તિક્ષ્ણ હથિયાર બહાર કાઢ્યું હતું.
Thiruvananthapuram: Video of Sub-Inspector Arun Kumar tackling an attack from a man carrying a machete goes viral
Says, "On June 12, an accused stopped my vehicle & tried to attack me with a machete without any provocation, while I was on patrol duty." pic.twitter.com/pkizhvUc2L
— ANI (@ANI) June 21, 2022
સુગથાન હથિયાર ઉઠાવવાનું શરૂ કરે છે અને અરુણ કુમાર પર હુમલો કરે છે. ગુનેગાર સબ-ઇન્સ્પેક્ટરની ગરદન કરડવાની કોશિશ કરે છે. SI અરુણ ગુનેગાર પર હુમલો થતાં જ તેના હથિયાર કબજે કરવાનો પ્રયાસ કરે છે. આ પ્રક્રિયામાં તેની આંગળીઓને ઈજા થાય છે પરંતુ તે અટકતો નથી અને સુગથાનને જમીન પર ફેંકી દે છે. અરુણ કુમાર પછી ગુનેગાર પર કાબુ મેળવવામાં સફળ થાય છે અને તેની ઉપર બેસીને હથિયાર છીનવી લે છે. આ દરમિયાન પોલીસ વાહનનો ડ્રાઈવર પણ તેમની મદદ માટે આગળ આવે છે. પછી બંને સુગથનને પોલીસની કારમાં બેસાડી દે છે.