આ આરોપીએ કર્યો અત્યાર સુધીનો સૌથી મોટો બેન્ક ફ્રોડ, 34,615 કરોડ રૂપિયાની જય બોલાવી દીધી
સેન્ટ્રલ બ્યુરો ઑફ ઇન્વેસ્ટિગેશન (CBI) એ દીવાન હાઉસિંગ ફાઇનાન્સ લિમિટેડ (DHFL) ના ડિરેક્ટરો કપિલ વાધવન, ધીરજ વાધવન અને અન્યો વિરુદ્ધ 17 બેંકોને રૂ. 34,615 કરોડની છેતરપિંડી કરવા બદલ કેસ નોંધ્યો છે. CBI દ્વારા નોંધાયેલો આ સૌથી મોટો બેંક ફ્રોડ કેસ છે. આ પહેલા એબીજી શિપયાર્ડ પર 23,000 કરોડ રૂપિયાની સૌથી મોટી છેતરપિંડીનો કેસ નોંધવામાં આવ્યો હતો.
સેન્ટ્રલ બ્યુરો ઑફ ઇન્વેસ્ટિગેશન મુંબઈમાં આ કેસમાં આરોપીઓના પરિસરમાં 12 સ્થળોએ સર્ચ કરી રહ્યું છે. એજન્સીએ દિવાન હાઉસિંગ ફાઇનાન્સ કોર્પોરેશન લિમિટેડના કપિલ વાધવન, ધીરજ વાધવાન, સુધાકર શેલી, અમરેલીસ રિયલ્ટર્સ, સ્કાયલાર્ક બિલ્ડકોન પ્રાઇવેટ લિમિટેડ, દર્શન ડેવલપર્સ પ્રાઇવેટ લિમિટેડ, SOB કન્સ્ટ્રક્શન પ્રાઇવેટ લિમિટેડ, ટાઉનશિપ ડેવલપર્સ પ્રાઇવેટ લિમિટેડ, વગેરે સામે આરોપો દાખલ કર્યા છે. પરંતુ યુનિયન બેંક ઓફ ઈન્ડિયાની આગેવાની હેઠળના કન્સોર્ટિયમને છેતરવાના ગુનાહિત કાવતરાનો ભાગ હોવા બદલ FIR નોંધવામાં આવી છે.
એજન્સીએ 11 ફેબ્રુઆરી 2022ના રોજ બેંકની ફરિયાદ પર કાર્યવાહી કરી છે. નોંધનીય છે કે યસ બેંકના સ્થાપક રાણા કપૂર સાથે જોડાયેલા કથિત ભ્રષ્ટાચારના કેસમાં વાધવાન પહેલાથી જ CBI તપાસ હેઠળ છે.
નીરવ મોદી અને મેહુલ ચોક્સી પર પંજાબ નેશનલ બેંકમાંથી 13,000 કરોડ રૂપિયાની લેણી રકમ લઈને ભાગી જવાનો આરોપ છે. સ્ટર્લિંગ બાયોટેકના સાંડેસરા પર કુલ રૂ. 16,000 કરોડ અને વિજય માલ્યા પર રૂ. 9,000 કરોડનું બેંક લેણું બાકી છે. સીબીઆઈએ બાયોકોન બાયોલોજિક્સના એસોસિયેટ વાઈસ પ્રેસિડેન્ટ એલ પ્રવીણ કુમારની પણ ડ્રગ્સના જોઈન્ટ ડાયરેક્ટર જનરલને સંડોવતા લાંચના કેસમાં ધરપકડ કરી છે.
સપ્ટેમ્બર 2021માં, પિરામલ કેપિટલ હાઉસિંગ ફાઇનાન્સે રોકડ અને લોનના સોદામાં રૂ. 34,250 કરોડમાં DHFLનું સંપાદન પૂર્ણ કર્યું.
