અહીં પુરૂષો એક કરતાં વધુ લગ્ન કરી શકે છે, આ માટે બસ આટલું કામ કરવું પડશે, જાણો શું છે રસપ્રદ કિસ્સો

ઇજિપ્તમાં એક ડ્રાફ્ટ તૈયાર કરવામાં આવ્યો છે, જેમાં પુરુષોને બે કે તેથી વધુ લગ્ન કરવાની સ્વતંત્રતા આપવામાં આવી છે. જો કે તેની સાથે કેટલીક શરતો પણ જોડવામાં આવી છે. આ મામલાની ચર્ચા દરેક જગ્યાએ થઈ રહી છે અને લોકો તેના પર ઉગ્ર ચેટિંગ પણ કરી રહ્યા છે. તો આવો જાણીએ શું છે આ રસપ્રદ કિસ્સો.

સામાન્ય રીતે મોટા ભાગના સ્થળોએ માત્ર એક જ લગ્નની જ મંજૂરી છે. છૂટાછેડા લીધા પછી જ લોકો ફરીથી લગ્ન કરી શકે છે. પરંતુ, ઇજિપ્તમાં આવો નિયમ બનાવવામાં આવ્યો છે જેના હેઠળ હવે કોઈપણ વ્યક્તિ ફરીથી લગ્ન કરી શકશે. પરંતુ, તેના માટે તેણે કોર્ટની પરવાનગી લેવી પડશે અને તેની પત્નીને પણ તેની જાણ કરવી પડશે. રિપોર્ટ અનુસાર, હાઉસ ઓફ રિપ્રેઝન્ટેટિવ્સ નાસાવા અલ દીઆબે ‘નવો ડ્રાફ્ટ પર્સનલ સ્ટેટસ લો’ સબમિટ કર્યો છે. આ બિલ હેઠળ જ નવી શરતો લાદવામાં આવી છે.

રિપોર્ટમાં વધુમાં જણાવવામાં આવ્યું છે કે કલમ 14 હેઠળ જો પતિ બીજા લગ્ન અથવા બહુપત્નીત્વ ઈચ્છે છે તો તેણે ફેમિલી કોર્ટના જજને વિનંતી કરવી પડશે. તેની સાથે પત્નીએ પણ આ અંગે માહિતી આપવાની રહેશે. એટલું જ નહીં, પત્નીએ કોર્ટમાં આવીને પોતાની સંમતિ આપવી પડશે. તે જ સમયે, પુરુષ જેની સાથે લગ્ન કરશે તેને પણ પ્રથમ પત્ની વિશે જણાવવું પડશે.

જો પ્રથમ પત્ની બીજા લગ્ન માટે સંમત ન હોય અને પતિ તો પણ બીજા લગ્ન કરવા માંગતો હોય તો કોર્ટ બંને વચ્ચે સમાધાન કરાવશે. એટલું જ નહીં, જો પહેલી પત્ની છૂટાછેડા લેવા માંગતી હોય તો પતિએ એક મહિનામાં કોર્ટમાં પૈસા જમા કરાવવાના રહેશે. જો તે આ કરવા માટે સક્ષમ ન હોય તો તેને ફરીથી લગ્ન કરવાની મંજૂરી આપવામાં આવશે નહીં.