શું રણબીર અને આલિયાએ તેમના લગ્ન મુલતવી રાખ્યા? ભાઈ રાહુલ ભટ્ટનો મોટો ખુલાસો! ફેન્સમાં ચિંતાનો માહોલ

રણબીર કપૂર અને આલિયા ભટ્ટના લગ્નના સમાચાર ઘણી હેડલાઈન્સ બનાવી રહ્યા છે. પરંતુ હવે એવું લાગે છે કે આ કપલે લગ્નની યોજના મોકૂફ રાખવાનો નિર્ણય લીધો છે. જો કે રણબીર અને આલિયા કોઈ અંગત કારણોસર લગ્નમાંથી ખસી રહ્યાં નથી, પરંતુ તેની પાછળનું કારણ સુરક્ષા છે. તાજેતરના અહેવાલ મુજબ, રણબીર અને આલિયા સુરક્ષા કારણોસર તેમના લગ્નની યોજનાઓ સ્થગિત કરી રહ્યા છે. હાલમાં જ આલિયા ભટ્ટના સાવકા ભાઈ રાહુલ ભટ્ટે એક ઈન્ટરવ્યુમાં આ દાવો કર્યો છે. ઈન્ટરવ્યુમાં તેમણે કહ્યું છે કે 13 કે 14 એપ્રિલે તેની બહેન લગ્ન નહીં કરે.

આ ઈન્ટરવ્યુ દરમિયાન વાત કરતા રાહુલે કહ્યું કે રણબીર કપૂર અને આલિયા ભટ્ટે તેમના લગ્નની તારીખ લંબાવવાનો નિર્ણય કર્યો છે. લગ્ન સાથે જોડાયેલી માહિતી મીડિયામાં લીક થઈ છે, જેના કારણે બંનેએ લગ્નની તારીખ આગળ વધારવાનો નિર્ણય લીધો છે. રાહુલ ભટ્ટે એ પણ સ્વીકાર્યું છે કે આલિયા અને રણબીર 14 એપ્રિલે સાત ફેરા લેવાના હતા. લગ્નની તારીખ મોકૂફ રાખવાના કારણ અંગે રાહુલ ભટ્ટે કહ્યું કે જ્યાં સુધી માહિતી લીક થઈ ન હતી ત્યાં સુધી લગ્નની તારીખો એક જ હતી.

પરંતુ હવે વિગતો લીક થઈ જતાં તારીખમાં પણ ફેરફાર કરવામાં આવ્યો છે. આ સિવાય સુરક્ષાનું એક કારણ પણ છે, જેથી લગ્નની તારીખ લંબાવવામાં આવી છે. રાહુલ ભટ્ટે એમ પણ કહ્યું છે કે લગ્નના એક દિવસ પહેલા આ સ્ટાર કપલ તેમના લગ્નને લઈને ઔપચારિક જાહેરાત પણ કરશે. રાહુલે કહ્યું કે મને જે ખબર છે તે મુજબ ટૂંક સમયમાં જાહેરાત થશે. આ સાથે તેણે ઈશારામાં એ પણ કહ્યું કે આલિયા અને રણબીરના લગ્ન 20 એપ્રિલની આસપાસ થઈ શકે છે.