એક વૈજ્ઞાનિક નીકળ્યો આટલી પ્રોપટીનો મલિક! નોટોના પેકેટો ઝડપાયા; ઘણા વાહનોની માલિકી ધરાવે છે

આર્થિક અપરાધ શાખાએ મધ્યપ્રદેશ પ્રદૂષણ નિયંત્રણ બોર્ડના જુનિયર સાયન્ટિસ્ટના ઘરે દરોડા પાડ્યા, જેમાં રૂ. 30 લાખ રોકડ સહિત રૂ. 7 કરોડની કથિત કિંમત છે. આવકના જાણીતા સ્ત્રોતો કરતાં અપ્રમાણસર સંપત્તિ જપ્ત કરવામાં આવી છે.

રીવા લોકાયુક્તના એસપી વીરેન્દ્ર જૈને જણાવ્યું હતું કે, “સર્ચ વોરંટ મળ્યા બાદ, EOW ટીમે સતના જિલ્લાના પ્રદૂષણ નિયંત્રણ બોર્ડના જુનિયર સાયન્ટિસ્ટ સુશીલ કુમાર મિશ્રાના મારુતિ નગર, સતના ખાતેના ઘરની તપાસ કરી.”

તેમણે કહ્યું કે 30,30,880 રૂપિયા રોકડા, 10 લાખ રૂપિયાના સોના અને ચાંદીના દાગીના, 21 બેંક ખાતા, 4 વીમા પૉલિસી અને લગભગ 1.76 કરોડ રૂપિયાની કિંમતના 29 લેન્ડ રજિસ્ટ્રી કાગળો રિકવર કરવામાં આવ્યા છે. આ જમીન મિશ્રાએ પોતાના, તેમની પત્ની સુમન મિશ્રા અને પુત્ર જ્ઞાનેન્દ્ર મિશ્રાના નામે સતના શહેરમાં અને શહેરની બાજુના વિસ્તારમાં લીધી હતી. ભોપાલની જમીનોના દસ્તાવેજો પણ મળી આવ્યા છે.

અધિકારીએ જણાવ્યું કે આરોપીનું મારુતિ નગરમાં બે માળનું મકાન છે, જેની કિંમત અંદાજે 37.50 લાખ રૂપિયા છે. આરોપીનું સતના શહેર પાસે સાત એકરનું ફાર્મહાઉસ છે જેમાં 1500 સ્ક્વેર ફૂટમાં ઘર બનેલ છે.

વીરેન્દ્ર જૈને કહ્યું કે, ‘આરોપી પાસેથી એક ટ્રેક્ટર, એક મહિન્દ્રા એસયુવી, એક સ્કોર્પિયો, એક ઈન્ડિકા કાર, 3 મોટરસાઈકલ અને અન્ય દસ્તાવેજો મળી આવ્યા છે. આ વાહનોની કિંમત 50 લાખ રૂપિયાથી વધુ છે.

મળતી માહિતી મુજબ, TI મોહિત સક્સેના અને પ્રવીણ ચતુર્વેદીની આગેવાનીમાં 25 સભ્યોની EOW ટીમે વૈજ્ઞાનિકના ઘરે દરોડા પાડ્યા હતા.