એવું તો શું થયું કે પ્રતિક ગાંધીને પોલીસે ઠપકાર્યો, જાણો સમગ્ર મામલો
એક્ટર પ્રતીક ગાંધી ફિલ્મ ‘ફૂલે’માં જોવા મળવાના છે પરંતુ તે પહેલા જ તે ચર્ચામાં છે. વાસ્તવમાં, પ્રતીક ગાંધીએ એક ટ્વીટ કર્યું છે જેના વિશે તેઓ સોશિયલ મીડિયા પર ઘણી હેડલાઇન્સ બનાવી રહ્યા છે. વાસ્તવમાં મામલો એવો છે કે અભિનેતા પ્રતીક ગાંધીએ ટ્વીટ કરીને કહ્યું છે કે મુંબઈ પોલીસ દ્વારા તેમનું અપમાન થયું છે. પ્રતીક ગાંધીએ એમ પણ કહ્યું કે પોલીસકર્મીઓએ તેમને વેરહાઉસમાં ધકેલી દીધા. હવે અભિનેતા અને તેના ટ્વિટ્સ સોશિયલ મીડિયા પર ચર્ચાનો વિષય બની ગયા છે. ફેન્સ પણ આ મામલે ઉગ્ર પ્રતિક્રિયા આપી રહ્યા છે.
Mumbai WEH is jammed coz of “VIP” movement, I started walking on the roads to reach the shoot location and Police caught me by shoulder and almost pushed me in some random marble warehouse to wait till without any discussion. #humiliated
— Pratik Gandhi (@pratikg80) April 24, 2022
પ્રતિક ગાંધીએ પોતાના ટ્વિટમાં લખ્યું કે, ‘વીઆઈપી મૂવમેન્ટના કારણે મુંબઈ WEH જામ થઈ ગયું હતું. હું શૂટ લોકેશન પર પહોંચવા માટે રસ્તા પર ચાલવા લાગ્યો જ્યારે પોલીસવાળાઓએ મને ખભાથી પકડી લીધો. તેઓએ કોઈપણ ચર્ચાની રાહ જોયા વિના મને માર્બલના વેરહાઉસમાં ધકેલી દીધો.” પ્રતિક ગાંધીએ આ ટ્વીટ સાથે અપમાનિત હેશટેગ પણ લખ્યો છે. તમને જણાવી દઈએ કે જ્યાં આ બધું થયું તે સ્થળ WEH મુંબઈ વેસ્ટર્ન એક્સપ્રેસ હાઈવે છે.
વર્ક ફ્રન્ટની વાત કરીએ તો, અભિનેતા પ્રતીક ગાંધી ટૂંક સમયમાં જ ફિલ્મ ‘ફૂલે’માં જોવા મળશે. આ ફિલ્મમાં પ્રતિક ગાંધી સાથે પત્રલેખા પણ જોવા મળશે. ફિલ્મનું નવું પોસ્ટર પણ સામે આવ્યું છે. પ્રતિક ‘જ્યોતિબા ફૂલે’ ફિલ્મમાં જોવા મળશે, જ્યારે પત્રલેખા ‘સાવિત્રી ફૂલે’નું પાત્ર ભજવતી જોવા મળશે. આ સિવાય પ્રતીક ગાંધી, વિદ્યા બાલન અને ઇલિયાના ડીક્રુઝ સાથે એક પ્રોજેક્ટમાં પણ કામ કરશે.