હું નુપુર શર્મા પાસેથી મુજરો કરાવીશ….કહેનાર સતપાલ તંવર જેલભેગો થયો, જેમણે કહ્યું હતું કે- જીભ કાપી લાવનારને 1 કરોડનું ઈનામ
ભીમ આર્મી ચીફ નવાબ સતપાલ તંવરની દિલ્હી પોલીસે ધરપકડ કરી છે. સ્પેશિયલ સેલે તેને ગુરૂવારે (16 જૂન 2022) તેના ગુરુગ્રામના ઘરેથી પકડ્યો હતો. ખરેખર, સતપાલ તંવરે નુપુર શર્માની જીભ કાપવા માટે 1 કરોડ રૂપિયાનું ઈનામ રાખ્યું હતું. આ સાથે સતપાલે નુપુર શર્મા વિશે પણ અભદ્ર ટિપ્પણીઓ કરી હતી. મીડિયા રિપોર્ટ્સ અનુસાર, સતપાલ પર IPC કલમ 506 (ગુનાહિત ધમકી), 509 (મહિલાનું અપમાન) અને 153A (વિવિધ જૂથો વચ્ચે દુશ્મનાવટને પ્રોત્સાહન આપવી) હેઠળ કેસ નોંધવામાં આવ્યો છે.
મીડિયા સાથે વાત કરતા સ્પેશિયલ સેલના સાયબર યુનિટના એક અધિકારીએ કહ્યું કે, ‘અમે તેના વીડિયોને ધ્યાનમાં લઈને કાર્યવાહી કરી છે, જેમાં તેણે જીવલેણ ધમકીઓ આપી છે અને નફરત ફેલાવવાનો પ્રયાસ કર્યો છે.’ દિલ્હી પોલીસે આ કાર્યવાહી એવા સમયે કરી છે જ્યારે ગુરુગ્રામમાં સતપાલ તંવર વિરુદ્ધ પણ કેસ નોંધવામાં આવ્યો છે. આ મામલામાં બીજેપી વિંગના ગુરુગ્રામ પ્રમુખ સર્વપ્રિયા ત્યાગીએ ફરિયાદ નોંધાવી છે. ગુરુગ્રામ પોલીસે સતપાલ વિરુદ્ધ વિવિધ જૂથો વચ્ચે દુશ્મનાવટ, ઉશ્કેરણી, ઇરાદાપૂર્વક અપમાન અને ગુનાહિત ધમકીની કલમો હેઠળ કેસ નોંધ્યો છે.
એક અહેવાલ મુજબ કાનપુર જિલ્લામાં સતપાલ તંવર વિરુદ્ધ પણ ફરિયાદ દાખલ કરવામાં આવી છે. આ મામલે આગામી સુનાવણી 24મી જૂને નક્કી કરવામાં આવી છે. આ કેસમાં વાદી એડવોકેટ હર્ષ કુમાર છે. આ ફરિયાદના આધારે કાનપુર કોતવાલીમાં સતપાલ વિરુદ્ધ ગંભીર કલમો હેઠળ કેસ પણ નોંધવામાં આવ્યો છે. હર્ષે પોતાની ફરિયાદમાં જણાવ્યું છે કે સતપાલે નૂપુર શર્માને ખૂબ જ અપમાનજનક શબ્દો કહ્યા હતા એટલું જ નહીં, સતપાલે પીએમ નરેન્દ્ર મોદી અને સીએમ યોગી આદિત્યનાથ વિરુદ્ધ પણ અપશબ્દો બોલ્યા હતા.
તમને જણાવી દઈએ કે થોડા દિવસો પહેલા નુપુર શર્માની જીભ કાપવા પર 1 કરોડના ઈનામની જાહેરાત કરતા સતપાલે કહ્યું હતું કે બીજેપીની નુપુર શર્માએ નબીની નિંદા કરી છે. તેણે સમગ્ર વિશ્વમાં દેશ અને પયગંબર મોહમ્મદનું અપમાન કર્યું છે. તે માફીને લાયક નથી, તે ફાંસીને લાયક છે. સતપાલે કહ્યું હતું કે, જો આ દેશની સરકાર, યુપી સરકાર, યોગી આદિત્યનાથ અને નરેન્દ્ર મોદીમાં નૂપુર શર્મા વિરુદ્ધ કાર્યવાહી કરવાની ક્ષમતા નથી તો તેને મને સોંપો. હું તેને બધાની સામે મુજરા કરાવીશ અને હું તેને સજા આપીશ.’
