પૈસા બચાવવા અજય દેવગન અને કાજોલે ધાબા પર જ કર્યા હતા લગ્ન, ખૂબ જ ફિલ્મી છે બન્નેની લવસ્ટોરી
અજય દેવગન અને કાજોલ બોલિવૂડના લોકપ્રિય કપલમાંથી એક છે. કાજોલ તેની બબલી સ્ટાઈલને લઈને ચાહકોમાં ચર્ચામાં રહે છે, ત્યારે અજય દેવગનનું શાંત વર્તન ચાહકોને ખૂબ જ પ્રભાવિત કરે છે. એમાં કોઈ શંકા નથી કે અજય દેવગણ અને કાજોલ એકબીજાથી તદ્દન અલગ છે પરંતુ એ પણ ખોટું ન કહી શકાય કે બંને એકસાથે ખૂબ જ ક્યૂટ લાગે છે. બંનેને સાથે જોઈને ફેન્સ પણ ખૂબ જ ખુશ છે. આજે અમે તમને અજય દેવગન અને કાજોલની લવ સ્ટોરી વિશે જણાવીએ છીએ. જે ખૂબ જ ફિલ્મી છે
અજય દેવગન અને કાજોલની પહેલી મુલાકાત વર્ષ 1995માં રિલીઝ થયેલી ફિલ્મ ‘હુલચલ’ના સેટ પર થઈ હતી. અજય દેવગન શાંત સ્વભાવનો છે અને આ જ કારણથી તે ફિલ્મના સેટ પર કોઈની સાથે વધારે વાત કરતો નહોતો. આવી સ્થિતિમાં લોકો તેને અહંકારી માનવા લાગ્યા. પરંતુ કાજોલ તેની સાવ વિરુદ્ધ હતી. અભિનેત્રી દરેક સાથે વાત કરતી હતી. કાજોલ અજય દેવગન સાથે પણ વાત કરતી હતી અને આ રીતે તેમની વાતચીત શરૂ થઈ હતી. આ પછી કાજોલ અને અજય દેવગનની મુલાકાત શરૂ થઈ અને પછી તેમની લવ સ્ટોરી પણ શરૂ થઈ. બન્નેએ ઘણા સમય સુધી પોતાની ડેટિંગ લાઈફને એન્જોય કરી છે
કાજોલ અને અજય દેવગણે ડેટિંગ જીવનનો આનંદ માણ્યા બાદ ટૂંક સમયમાં જ લગ્ન કરવાનું નક્કી કર્યું પરંતુ કાજોલના પિતા ઇચ્છતા ન હતા કે તેણી નોંધપાત્ર કારકિર્દી છોડીને અજય દેવગન સાથે લગ્ન કરે. પણ બંનેના પ્રેમ આગળ તેને ઝૂકવું પડ્યું. કાજોલ અને અજય દેવગણે વર્ષ 1999માં લગ્ન કર્યા હતા. બંનેના લગ્ન ખૂબ જ સાદાઈથી થયા હતા. કાજોલ અને અજય દેવગણે ઘરની છત પર લગ્ન કર્યા હતા. બંનેના લગ્નની માહિતી પરિવાર સિવાય કોઈને ખબર ન હતી. આ વાતનો ખુલાસો ખુદ અજયે કર્યો હતો.
અજયે એક ઈન્ટરવ્યુમાં જણાવ્યું હતું કે તેમના લગ્ન ઘરની છત પર થયા હતા. તે બેડરૂમમાંથી નીકળીને ટેરેસ પર ગયો અને લગ્ન કરીને ફરી બેડરૂમમાં આવ્યો. કાજોલ એક સામાન્ય ગૃહિણી છે. અજય કહે છે કે કાજોલ પૈસા બચાવવા માટે ઓનલાઈન સસ્તી વસ્તુઓ ખરીદે છે. જ્યારે કાજોલ ખૂબ જ બોલકી છે, તો અજય મૌન રહેવાનું પસંદ કરે છે.
કાજોલ અને અજય દેવગણે બોલિવૂડમાં ઘણી હિટ ફિલ્મો આપી છે પરંતુ બંનેએ ઘણી ફિલ્મોમાં સાથે કામ પણ કર્યું છે. બંને ‘ગુંડારાજ’, ‘ઈશ્ક’, ‘પ્યાર તો હોના હી થા’, ‘દિલ ક્યા કરે’, ‘યુ મી ઔર હમ’ અને ‘રાજુ ચાચા’ જેવી ફિલ્મોમાં સાથે જોવા મળ્યા હતા. કાજોલ અને અજય દેવગન છેલ્લે ફિલ્મ ‘તાનાજી ધ અનસંગ વોરિયર’માં સાથે જોવા મળ્યા હતા.