લગ્ન પછી સામે આવી રણબીર કપૂર અને આલિયા ભટ્ટની 18 વર્ષ પહેલાંની તસ્વીર, તમે જોઈ કે નહીં?
રણબીર કપૂર અને આલિયા ભટ્ટ લગ્ન બાદથી જ ચર્ચામાં છે. લગ્નના 10 દિવસ બાદ પણ બંનેના લગ્નની તસવીરો સોશિયલ મીડિયા પર ખૂબ વાયરલ થઈ રહી છે. હાલમાં જ આલિયા ભટ્ટે તેની યુટ્યુબ ચેનલ પર ફિલ્મ ‘ગંગુબાઈ કાઠિયાવાડી’ના 30 દિવસના પ્રમોશનનો વીડિયો મૂક્યો હતો. તે વિડિયોમાં ચાહકોએ આલિયા અને રણબીરની એવી તસવીર જોઈ, જે આજ સુધી કોઈએ જોઈ ન હતી. ખરેખર, આ ફોટો રણબીર અને આલિયાની પહેલી મુલાકાતનો છે, જે 18 વર્ષ પહેલા થઈ હતી
આલિયા ભટ્ટે એકવાર કહ્યું હતું કે તે સંજય લીલા ભણસાલીની અટકેલી ફિલ્મ ‘બાલિકા વધૂ’ માટે સ્ક્રીન ટેસ્ટ આપવા ગઈ હતી. તે સમયે તે 11 વર્ષની હતી અને રણબીર કપૂર સાથે તેના કેટલાક શોટ્સ લેવામાં આવ્યા હતા. તે સમયે રણબીર ‘બ્લેક’માં સંજય લીલા ભણસાલીને આસિસ્ટ કરી રહ્યો હતો. ભણસાલીએ તે ફોટો ફ્રેમ કરીને આલિયાને ગિફ્ટમાં આપ્યો હતો.
આલિયાએ શનિવારે તેની યુટ્યુબ ચેનલ પર ગંગુબાઈ કાઠિયાવાડીના પ્રમોશન દરમિયાન તેનો એક વીડિયો પોસ્ટ કર્યો હતો. આ દરમિયાન ચાહકોએ આલિયાના ઘરના શેલ્ફ પર એક ફોટો જોયો. આ ફોટામાં આલિયા અને રણબીર જોવા મળ્યા હતા. ‘બાલિકા વધૂ’ના સ્ક્રીન ટેસ્ટ દરમિયાન તેની આ તસવીર હતી. આ વીડિયો હવે આલિયાની ચેનલ પરથી હટાવી દેવામાં આવ્યો છે, પરંતુ કેટલાક ચાહકોએ તેનો સ્ક્રીનશોટ પહેલેથી જ લઈ લીધો હતો.
View this post on Instagram
બ્લેક એન્ડ વ્હાઇટ ફોટોમાં રણબીર આગળ જોઈ રહ્યો છે અને આલિયા તેના ખભા પર માથું રાખી રહી છે. આલિયા સાડી પહેરેલી જોવા મળી રહી છે. આલિયાએ 2014માં ફિલ્મ ‘હાઈવે’ના પ્રમોશન દરમિયાન પોતાના સ્ક્રીન ટેસ્ટ વિશે જણાવ્યું હતું. તેણીએ કહ્યું, ‘ભંસાલી સર કહેતા હતા કે હું રણબીર સાથે ફ્લર્ટ કરી રહી છું.’
તમને જણાવી દઈએ કે રણબીર અને આલિયા પહેલીવાર અયાન મુખર્જીની ફિલ્મ ‘બ્રહ્માસ્ત્ર’માં જોવા મળશે. ફિલ્મના શૂટિંગ દરમિયાન તેમની નિકટતા વધવા લાગી અને હવે બંનેએ પાંચ વર્ષ સુધી ડેટ કર્યા બાદ 14 એપ્રિલે લગ્ન કરી લીધા. તેમના લગ્નમાં માત્ર પરિવાર અને નજીકના મિત્રો જ હાજર રહ્યા હતા. વર્કફ્રન્ટની વાત કરીએ તો આલિયા ‘રોકી ઔર રાની કી લવ સ્ટોરી’ અને રણબીર કપૂરની ‘એનિમલ’ના શૂટિંગમાં વ્યસ્ત છે.