પંજાબમાં ટ્રાન્સપોર્ટ મંત્રી ખુદ કારની છત પર ચડીને કરતા હતા સ્ટંટ, વીડિયો વાયરલ થતા ચારેકોર થુ થુ થયું
આમ આદમી પાર્ટી સરકારના ટ્રાન્સપોર્ટ મિનિસ્ટર લાલજીત ભુલ્લરનો એક વીડિયો ઘણો વાયરલ થઈ રહ્યો છે. આ વીડિયોમાં મંત્રી પોતાની કારની છત પર બેસીને લોકોનું અભિવાદન સ્વીકારતા જોવા મળે છે. જેના પર તે લોકો અને રાજકીય પક્ષોના નિશાના પર આવી ગયા છે. શિરોમણી અકાલી દળે તેમને ફ્લાઈંગ મિનિસ્ટર કહ્યા છે. સમગ્ર મામલાની સ્પષ્ટતા આપતા મંત્રીએ કહ્યું કે તેઓને તેનો અફસોસ છે.
વીડિયોમાં, એક સુરક્ષા ગાર્ડ તેના જ વાહનમાં તેની બારીમાંથી અસુરક્ષિત રીતે બહાર આવતો દેખાય છે. પરિવહન મંત્રી ભુલ્લરના વાહનની આગળ વધુ બે સુરક્ષા વાહનો દોડી રહ્યા છે અને પંજાબી ગીત પણ વાગી રહ્યું છે. વિપક્ષ શિરોમણી અકાલી દળે આની આકરી ટીકા કરી છે.
પાર્ટીના મુખ્ય પ્રવક્તા ડૉ. દલજીત સિંહ ચીમાએ તેને ફ્લાઈંગ મિનિસ્ટર ગણાવ્યો છે. કહેવાય છે કે આ એ આમ આદમી પાર્ટી છે જે પંજાબને બદનામ કરવા માટે ઉડતા પંજાબથી પ્રચાર કરી રહી હતી. આજે આ સરકારના મંત્રીઓ જ કારની છત પર ચડીને ‘ગેડે લગોં દા, મંત્રી જીતવાં દા, ફેર પાગ લગોં નજારા આંદા જટ્ટ નુ’ જેવા ગીતો વગાડી રહ્યા છે.
मंत्री ने कहा, वीडियो तीन महीने पुराना, पर मुझे इसका अफसोस है https://t.co/5niD2Fjf2Z
— Inder Preet singh (@InderpreetPress) June 10, 2022
ચીમાએ કહ્યું ગીતોની પસંદગી જુઓ. મંત્રી ભૂલી રહ્યા છે કે તેઓ પરિવહન મંત્રી છે અને તેમણે લોકોને ટ્રાફિકના નિયમો અંગે જાગૃત કરવાના છે. પૂર્વ મંત્રીએ મુખ્યમંત્રી ભગવંત માન અને અરવિંદ કેજરીવાલને પૂછ્યું છે કે તમે પંજાબને જે ભેટ આપી છે તે પંજાબ માટે શું કરશે. તમે તેમની સામે શું કાર્યવાહી કરશો તે પણ જણાવો. તેઓ જે પ્રકારનાં ગીતોનો પ્રચાર કરી રહ્યાં છે અને તેઓ જે પ્રકારનાં કૃત્યો કરી રહ્યાં છે તેના પર તમે શું પગલાં લેશો.
બીજી તરફ વાહનવ્યવહાર મંત્રીએ આ વીડિયો અંગે દુખ વ્યક્ત કર્યું છે અને કહ્યું છે કે આ વીડિયો ત્રણ મહિના જૂનો છે. જ્યારે અમે જીતીને ઘરે પાછા આવી રહ્યા હતા. તમે જુઓ કે મેં મારા ગળામાં હાર પહેર્યો છે. તેમ છતાં હું તેના માટે માફી માંગુ છું. ભવિષ્યમાં આવું નહીં થાય.
