PM મોદીની હત્યાના કાવતરાનો પર્દાફાશ, NIAને મોકલવામાં આવેલ ઈમેલની તપાસ

વડાપ્રધાન નરેન્દ્ર મોદીની હત્યાના ષડયંત્રનો પર્દાફાશ થયો છે. ઈમેલની તપાસ NIAને સોંપવામાં આવી છે. ગુપ્તચર સૂત્રોના હવાલાથી વડાપ્રધાન મોદીને જાનથી મારી નાખવાની ધમકી આપવાનો એક વિચિત્ર કિસ્સો પ્રકાશમાં આવ્યો છે. નેશનલ ઈન્વેસ્ટિગેશન એજન્સી (NIA)ને ધમકીભર્યા ઈ-મેઈલ મળ્યા છે.

ઈ-મેઈલ કરનારે કહ્યું છે કે તે આત્મહત્યા કરી રહ્યો છે, જેથી આ ષડયંત્રનો પર્દાફાશ ન થઈ શકે. વડાપ્રધાન મોદીને મારવા તૈયાર છે. તેમની પાસે 20 સ્લીપર સેલ છે. કુલ 20 કિલો આરડીએક્સ છે.

મેલ મુજબ હુમલાની યોજના તૈયાર કરવામાં આવી છે. મેલમાં કહેવામાં આવ્યું છે કે જે વ્યક્તિએ મેલ લખ્યો છે તેના ઘણા આતંકવાદીઓ સાથે સંબંધ છે. નેશનલ ઈન્વેસ્ટિગેશન એજન્સીએ ગુપ્તચર અને સુરક્ષા એજન્સીઓને ધમકીભર્યા ઈ-મેલ પણ મોકલ્યા છે. જે મેઈલ આઈડી પરથી મેઈલ આવ્યો છે તેની તપાસ ચાલી રહી છે. આ ઈમેલ નેશનલ ઈન્વેસ્ટિગેશન એજન્સીની મુંબઈ શાખાને આવ્યો છે.

જણાવી દઈએ કે વડાપ્રધાન મોદીની હત્યાના કાવતરાનો ખુલાસો થયા બાદ સુરક્ષા દળોને એલર્ટ કરી દેવામાં આવ્યા છે. ઈમેલ મોકલનારને ટ્રેસ કરવામાં આવી રહ્યો છે.