RRR સ્ટાર Jr NTRના લગ્નમાં થયો હતો ભવ્ય ખર્ચ, પત્નીના લગ્નના ડ્રેસની કિંમત હતી 1 કરોડ!
સાઉથના સુપરસ્ટાર જુનિયર NTR ફિલ્મ RRRની સફળતાને લઈને ચર્ચામાં છે. જુનિયર NTR એ એસએસ રાજામૌલીની ફિલ્મમાં તેમના અભિનયથી સાબિત કરી દીધું છે કે તેમને સાઉથ સુપરસ્ટાર કેમ કહેવામાં આવે છે. પ્રોફેશનલ લાઈફમાં સફળ જુનિયર એનટીઆરનું અંગત જીવન પણ સુંદર છે. અભિનેતાએ વર્ષ 2011માં લક્ષ્મી પ્રણતિ સાથે લગ્ન કર્યા હતા. અહેવાલો અનુસાર, જુનિયર એનટીઆરના લગ્ન સાઉથ ફિલ્મ ઈન્ડસ્ટ્રીના સૌથી મોંઘા લગ્નોમાંથી એક છે.
રિપોર્ટ્સ અનુસાર, જુનિયર NTR અને લક્ષ્મી પ્રણતિના લગ્નમાં લગભગ 100 કરોડ રૂપિયાનો ખર્ચ કરવામાં આવ્યો હતો. જેમાંથી 18 કરોડ રૂપિયા પેવેલિયનને સુશોભિત કરવામાં જ ખર્ચવામાં આવ્યા હતા. આટલું જ નહીં સાઉથ સુપરસ્ટાર જુનિયર NTR ના લગ્નમાં 3 હજાર મહેમાનો ઉપરાંત લગભગ 12 હજાર ફેન્સ પણ હાજર રહ્યા હતા. અભિનેતાના લગ્નનું પ્રસારણ દક્ષિણની પ્રાદેશિક ચેનલ પર પણ કરવામાં આવ્યું હતું.
અહેવાલો અનુસાર, જુનિયર NTR ની પત્ની લક્ષ્મી પ્રણતિએ લગ્નમાં 1 કરોડ રૂપિયાની ગોલ્ડન સાડી પહેરી હતી. આ સાથે લાખોની કિંમતના દાગીના પણ પહેર્યા હતા. જુનિયર NTR અને લક્ષ્મી પ્રણતિએ 5 મે, 2011ના રોજ એરેન્જ મેરેજ કર્યા હતા. સાઉથ સુપરસ્ટાર તેની પત્ની લક્ષ્મી કરતા લગભગ 10 વર્ષ મોટા છે પરંતુ તેમ છતાં બંને વચ્ચે સુંદર સમજણ છે.
એક ઈન્ટરવ્યુ દરમિયાન તેની પત્ની વિશે વાત કરતા અભિનેતાએ કહ્યું કે, તે પોતાને નસીબદાર માને છે કે તેણે લક્ષ્મી સાથે લગ્ન કર્યા છે. તે ઘરમાં ખૂબ જ આરામદાયક અનુભવે છે અને આજે તે જે છે એ બદલવામાં લક્ષ્મીએ મહત્વપૂર્ણ ભૂમિકા ભજવી છે.
