કરોડોની સંપત્તિના માલિક છે શાહિદ કપૂર, મોંઘી કાર અને બાઈકનો ધરાવે છે શોખ
શાહિદ કપૂર 22 એપ્રિલે ફિલ્મ જર્સીથી મોટા પડદા પર વાપસી કરવા જઈ રહ્યો છે. આ ફિલ્મમાં તેણે ક્રિકેટરની ભૂમિકા ભજવી હતી. શાહિદે કેન ઘોષની ફિલ્મ ઇશ્ક વિશ્ક સાથે મુખ્ય અભિનેતા તરીકે તેની ફિલ્મી કારકિર્દીની શરૂઆત કરી હતી. આ ફિલ્મ હિટ થયા બાદ શાહિદની કારકિર્દી ઝડપથી આગળ વધી. જો કે આ પછી તેની ઘણી ફિલ્મો બોક્સ ઓફિસ પર નિષ્ફળ પણ રહી હતી. આજે અમે તમને શાહિદની પ્રોપર્ટીની સાથે તેના અંગત જીવન સાથે જોડાયેલી વાતો જણાવવા જઈ રહ્યા છીએ.
શાહિદે વર્ષ 2015માં મીરા રાજપૂત સાથે લગ્ન કર્યા હતા. તેઓને ફિલ્મ ઈન્ડસ્ટ્રીનું બેસ્ટ કપલ માનવામાં આવે છે. મીરા ઉંમરમાં શાહિદ કરતા 13 વર્ષ નાની છે. તેમ છતાં, આ કપલને જોઈને, બંને વચ્ચેની ઉંમરનો તફાવત બિલકુલ ખબર નથી. શાહિદ અને મીરાને મિશા અને ઝૈન નામના બે બાળકો છે.
આટલા કરોડની સંપત્તિના છે માલિક
શાહિદ કપૂર ખૂબ જ લકઝરી લાઈફ જીવે છે. મીડિયા રિપોર્ટ્સ અનુસાર, તેમની કુલ સંપત્તિ અંદાજે 300 કરોડ રૂપિયા છે. શાહિદ બ્રાન્ડ એન્ડોર્સમેન્ટ, ફિલ્મો અને અંગત રોકાણ દ્વારા સારી કમાણી કરે છે. આ સિવાય તે અન્ય ઘણી ખાનગી મિલકતોના પણ માલિક છે જેની કિંમત કરોડોમાં છે. જાણકારી અનુસાર જુહુમાં તેની પાસે ડુપ્લેક્સ એપાર્ટમેન્ટ છે જેની કિંમત 35 કરોડ રૂપિયા છે. તેણે તેને વર્ષ 2014માં ખરીદ્યું હતું. આ સિવાય શાહિદ પાસે મુંબઈના વર્લી વિસ્તારમાં એક ખૂબ જ લક્ઝુરિયસ ડુપ્લેક્સ પણ છે. જેની કિંમત 56 કરોડ જણાવવામાં આવી રહી છે
બાઇક અને કારનો છે શોખ
લક્ઝુરિયસ હાઉસ સિવાય શાહિદ કપૂરને મોંઘી બાઈક અને કારનો પણ શોખ છે. બાઇકની વાત કરીએ તો તેની પાસે યામાહા MT-01 છે, જેની માર્કેટમાં કિંમત લગભગ 12 થી 13 લાખ રૂપિયા છે. આ સિવાય તેની પાસે હાર્લી ડેવિડસનનો ફેટ બોય પણ છે, જેની કિંમત 21 લાખ રૂપિયા છે. શાહિદને બાઇક ઉપરાંત લક્ઝરી કાર પણ પસંદ છે. તેની પાસે મર્સિડીઝ બેન્ઝ જીએલ ક્લાસ, પોર્શે કેની જીટીએસ, મર્સિડીઝ બેન્ઝ એ400 અને જગુઆર કાર છે.
શાહિદ કપૂરે પોતાના કરિયરમાં ઘણી મોટી હિટ ફિલ્મો આપી છે. કબીર સિંહ તેની કરિયરની સૌથી મોટી હિટ ફિલ્મ છે. શાહિદની ફિલ્મે બોક્સ ઓફિસ પર 278 કરોડનો બિઝનેસ કર્યો હતો. આ સિવાય શાહિદે પદ્માવત, જબ વી મેટ અને વિવાહ જેવી સુપરહિટ ફિલ્મોમાં કામ કર્યું છે.
