બાબા નિરાલાથી લઈને એશા ગુપ્તા સુધી, આ સ્ટાર્સે ‘આશ્રમ 3’ માટે વસૂલી મોટી રકમ; જાણો કોને મળી સૌથી વધુ ફી
‘આશ્રમ 3’એ તેની રિલીઝ સાથે જ ચાહકોનું દિલ જીતી લીધું છે. આ વેબ સીરિઝની પહેલી સીઝનથી લઈને ત્રીજી સીઝન સુધી દરેક પાત્રે લોકોના દિલોદિમાગમાં સ્થાન જમાવ્યું એટલું જ નહીં દરેક પાત્ર હેડલાઈન્સમાં રહ્યું છે. આજે અમે તમને જણાવીશું કે ‘આશ્રમ’ સીઝન 3 માટે બોબી દેઓલ (બાબા નિરાલા)થી લઈને એશા ગુપ્તા સુધીના કયા રોલ માટે સ્ટાર્સે મેકર્સ પાસેથી મોટી રકમ લીધી હતી.
એક અહેવાલો અનુસાર, બોબી દેઓલે બાબા નિરાલા બનવા માટે લગભગ 1 કરોડથી 4 કરોડ રૂપિયા લીધા છે. આ ભૂમિકાએ બોબી દેઓલની કારકિર્દીને ફરીથી જીવંત કરી.
ત્રિધા ચૌધરીએ પ્રથમ અને બીજી સીઝનમાં બબીતાની ભૂમિકા ભજવીને સૌને ચોંકાવી દીધા હતા. અહેવાલો અનુસાર, ‘આશ્રમ 3’ની ત્રિધાએ લગભગ 4 લાખથી 10 લાખ રૂપિયા વસૂલ્યા છે.
‘આશ્રમ 3’માં બોબી દેઓલ સાથે એશા ગુપ્તાએ આ વખતે ઈન્ટીમેટ સીન કર્યો છે. અહેવાલો અનુસાર, એશા ગુપ્તાએ વેબ સિરીઝમાં સોનિયાની ભૂમિકા ભજવવા માટે લગભગ 25 લાખથી 2 કરોડ રૂપિયા ચાર્જ કર્યા હતા.
આ વેબ સિરીઝમાં પોલીસકર્મીની ભૂમિકા ભજવનાર ઉજાગર સિંહ પણ ઘણો લોકપ્રિય થયો. દર્શન કુમારે ઉજાગર સિંહની ભૂમિકા ભજવી હતી. રિપોર્ટ્સનું માનીએ તો દર્શન કુમારે આ રોલ કરવા માટે લગભગ 15 લાખથી 25 લાખ રૂપિયા લીધા છે.
ફરી એકવાર ‘આશ્રમ 3’માં ભોપા સ્વામીની ભૂમિકાએ ચાહકોના દિલ જીતી લીધા. ચંદન રોય સાન્યાલે આ રોલ કર્યો હતો. રિપોર્ટ્સ અનુસાર, ભોપા સ્વામીએ આ રોલ કરવા માટે લગભગ 15 લાખથી 25 લાખ રૂપિયા ચાર્જ કર્યા.
આ વેબ સિરીઝમાં નતાશાએ ડોક્ટરની ભૂમિકા ભજવી છે. અનુપ્રિયા ગોએન્કાએ આ પાત્ર ભજવ્યું હતું. રિપોર્ટ્સ અનુસાર, અનુપ્રિયાએ આ માટે 8 લાખથી 15 લાખ રૂપિયા ચાર્જ કર્યા.
અદિતિ પોહનકર ‘આશ્રમ 3’માં પમ્મી કુસ્તીબાજની ભૂમિકા ભજવીને ખૂબ પ્રખ્યાત થઈ હતી. અહેવાલો અનુસાર, અદિતિએ આ પાત્ર ભજવવા માટે લગભગ 12 થી 20 લાખ રૂપિયા લીધા.
