સ્મોકિંગ કરવા માટે, કાગડાએ એક વ્યક્તિ સાથે મિત્રતા કરી, ઘણી વખત તે પોતે સિગારેટ લાવતો હતો

સિગારેટ પીવી સ્વાસ્થ્ય માટે હાનિકારક છે. તે ફેફસાં સહિત શરીરના ઘણા ભાગોને અસર કરે છે. સિગારેટ પીનારાઓને વારંવાર ધૂમ્રપાન છોડવાની સલાહ આપવામાં આવે છે. પરંતુ શું તમે ક્યારેય સાંભળ્યું છે કે પક્ષી સિગારેટનું વ્યસની હોય છે. આટલું જ નહીં, તેને સિગારેટનો એટલો બધો નશો છે કે તેણે સિગારેટ પીવા માટે કોઈપણ વ્યક્તિ સાથે મિત્રતા બાંધી છે. અહેવાલ મુજબ, પૂર્વ સસેક્સના બેક્સહિલના 37 વર્ષીય પીટ કેટે ગયા વર્ષે એક અનોખું પક્ષી જોયું હતું.

પીટ કેટ જણાવે છે કે કાગડાએ તેની સિગારેટ ચોરી લીધી હતી અને માળીના ફેગ બટ્સ પણ લીધા હતા. આના પરથી સ્પષ્ટ થયું કે કાગડો સિરગેટથી ટેવાઈ ગયો હતો. કાગડાએ સિગારેટનો સ્વાદ ચાખ્યો હતો. પીટે જણાવ્યું કે, એક દિવસ હું કામ કરી રહ્યો હતો. કાગડો સતત મારી પાછળ આવી રહ્યો હતો. પછી કાગળો આવીને તેના ખભા પર બેસી ગયો. તે સમયે પીટે સિગારેટ પીધી હતી અને તેને નીચે ફેંકી દીધી હતી. કાગડાએ તેને તેની ચાંચ વડે સ્પર્શ કર્યો અને સિગારેટ પીવા લાગ્યો.

આ પછી બંને સ્મોકિંગ પાર્ટનર બની ગયા. દરરોજ કાગડો પીટ સાથે ધૂમ્રપાન કરવા તેના ઘરે આવવા લાગ્યો. પીટે જણાવ્યું કે કાગડો મારા મોંમાંથી સિગારેટ છીનવી લેતો હતો અને પીવા લાગતો હતો. આટલું જ નહીં, ઘણી વખત કાગડો પોતે સિગારેટ ભેટમાં લઈને આવતો હતો. બે બાળકોના પિતા પીટની કાગડા સાથે ઘણા મહિનાઓ સુધી મિત્રતા હતી. પરંતુ છેલ્લા કેટલાક મહિનાથી તેણે પીટના ઘરે આવવાનું બંધ કરી દીધું છે.

પીટે કહ્યું કે પક્ષી ઓક્ટોબરથી પાછું આવ્યું નથી. પીટને ડર છે કે તે વધુ પડતી સિગારેટ પીવાથી મૃત્યુ પામ્યો હશે. આટલું જ નહીં, પીટે તેની સાત વર્ષની પુત્રી ફોબી અને પાંચ વર્ષના પુત્ર ઓસ્ટિનનો પરિચય પણ આ અદ્ભુત કાગડા સાથે કરાવ્યો. પીટ પાસે તે કાગડાના ઘણા ફોટા પણ છે.